分享: 泰國一年365日都熱辣辣，食到啲又凍又正嘅甜品，直頭係透心涼啊。 自從上年去嗰時朋友介紹咗After You俾我地相遇之後，我地每次去曼谷都要會一會佢，喺香港想食甜品又會好掛住佢。 第 一次食已經俾美祿綿綿冰吸引。白雪雪的一座小雪山，淋上一層滑溜溜嘅cream,再喺上面灑滿美祿粉。話明美祿冰，唔洗驚淨係得表面有美祿粉喎，喺中 間有成個美祿波喺度啊！仲未夠重口味？放心，有一細杯特濃美祿俾你加哦！入口即溶(冰唔係遇熱即溶係點呢請問？！哈。。)，美祿味濃(er...係美祿冰 嘛。。。)。好囉，我詞窮喇，總知好好味，好味到每次食飽飯去食，都仲可以三爬兩砵十零分鐘就KO哂，咁啦 今次去之前，發現佢出咗個新冰冰：芒果糯米飯冰，咁就梗係去試下啦！一食，嘩，又係一個不得了！甜酸適中嘅芒果小冰山，淋上椰奶，加埋芒果汁，仲要真係有糯米飯㗎！真係無謂再抑壓心底愛(!!)，將冰山劈開！拿起匙更but la but la,幾分鐘就消失於眼前lu! 除 咗冰冰，我地仲會叫個厚多士。有分regular size 同 baby size。嘩，衣個厚多士，又係冇得輸！核心外圍都係脆脆的，個心呢，勁軟熟！第一次食揀咗古古力香蕉，正常的好味～之後食最經典嘅蜜糖，哎喲，正喎！又 冇食埋香蕉咁飽咁漏，可以食個大嘅都得喎！ 每款甜品大約250-300baht左右，當地黎講都算高消費，但喺香港衣個價錢衣個味道衣個質素又真係揾唔到。 唯 一美中不足嘅係，差唔多每次去到都要等好耐位。(喂～食好嘢冇得訂位係咁㗎啦～)臨走前喺central world 想encore，點知預計要等成粒鐘，唯有下次再食啦。如果大家食完晚飯去食，可以去siam square後面嘅分店啊，收12點。我地今次11點幾去到 ，大把位，冇因為趕收工而趕客，食完返酒店甜咪咪咁瞓，幾美滿～ 嗯，一路打，一路砌相，我又想食喇。。。 After You Dessert Cafe: http://www.afteryoudessertcafe.com/ ======================================================================= 快啲黎Like埋我個Facebook啦 https://www.facebook.com/melgugotravel
