Augustiner Bräustübl，黎Salzburg最期待嘅就係衣餐！外表係自家釀啤酒工房，其實內裡同後花園係Beer Garden。一入到去就聽到好熱鬧同歡樂嘅人聲，坐位都算多，有成1400個，係自己揾位嘅，有室內有室外位任揀。9月嘅夜晚大約18度左右，坐室外絕 對係perfecto! 最 初睇trip advisor嗰時，淨係知係有啲food stall可以買嘢食，有新鮮啤酒飲咁。去到都係咁，只不過outdoor嘅food stall原來只有兩檔，仲要每檔都係得一個人一腳踢，真係鄧佢辛苦。由於我地揀坐大樹下，又懶得行，就直接喺衣檔度攪掂哂！一個檔專賣啤酒伴侶：炸炸！ 炸蝦炸魷魚炸魚炸薯角就喺度買喇! 仲有望落去有點腥嘅魚同三文治。而另一檔賣嘅我地一見就已經心心眼嘅，有燒雞，豬肋骨同腸腸。如 果喺室內會有多幾檔賣沙律啊豬手啊咁。 啤 酒分0.5L點同1L,價錢按比例計的，唔會話買大杯化算啲。首先喺cashier買張飛，跟住就可以自己攞杯喺攞啤酒前有個水龍頭， 見個個都會喺嗰度洗下個杯先，所以我地又跟住洗下！（係啊，照跟架咋～）洗完就去揾斟酒先生喇，阿男子係一手就張你啱啱懶係洗得乾淨嘅杯擺喺有啤酒嘅 tray度，斟到滿瀉漏哂落黎嘞，就sir個杯俾你。我嗰刻淨係諗：嗯，個杯，好。痴。立。立。。。嗯，個地，唔怪得咁痴立立。。。啤酒飲落似白啤，清清 地好易入口，佢隻杯都好勁，食咗個零鐘，到最尾飲嗰時都仲ok凍的 我地買咗一隻雞，薯角，一大條腸，同小麵包。好味啊隻燒雞！佢有塞啲herbs落去一齊燒，所以啲肉勁香勁惹味，同埋啲肉係滑架～（連雞胸都唔係又乾又鞋，係滑架～）雞皮係彈牙㗎，夾麵包食超正！另外仲有一大pat sour cream襯薯角，太美妙喇 快樂其實好簡單，唔需要幾十款手工啤酒，唔需要包羅萬有嘅food menu，唔需要金光閃閃嘅裝修環境。只要同對的人喺對的時間做對的事，大家喺個露天環境下聚埋一齊飲下食下吹下笑下，就是快樂 Augustiner Bräustübl official website: http://www.augustinerbier.at/index.php?id=1&L=1 ======================================================================= 快啲黎Like埋我個Facebook啦 https://www
