黎到韓國唔係唔食燒肉呀嗎?係上兩篇就介紹過燒牛肉,今次就介紹下任食燒豬腩肉+雞扒啦! 今次除左去仁川之外,仲去左首爾江南見朋友,朋友就揀左呢間平靚正嘅燒肉任食,一人都只係13900krw/2小時,小朋友8500krw,即係一人$100都唔洗,就可以食到燒肉任食!!!!! 我地由富平搭巴士去江南1小時左右,去到大約七點,朋友已經到左第緊位了,我地大約再等多3張枱左右先可以入去,韓國嘅餐有特別嘅規矩,就算入面已經有4人枱,但前面有7個人,都要等果7個人入左去先可以到後面小人嘅組別入去⋯韓國地方比香港大,所以要等位嘅餐廳唔多。因為呢間係平靚正嘅餐廳,所以想去食嘅話,就要記得早啲去等位啦。 講返個餐牌先,可以任食嘅有醬汁雞扒、鹽味雞扒、五花肉、豬扒、豬頸肉、醬汁豬皮⋯等 同好多地方一樣,呢度都係冇英文餐牌嘅,不過唔洗驚,因為呢度嘅食物由肉類到醬汁都係自助㗎! 肉類、醬汁、菜都係食幾多夾幾多,千祈唔好做大晒鬼呀! 重點來了,平時係香港食嘅韓燒都係用煤氣爐,呢度係用炭燒㗎,$100唔洗竟然可以用炭黎燒肉,真係超值,用炭燒出黎嘅肉特別香,令肉嘅味道提升不少 黎韓國想食燒肉但旅費又唔多嘅話,記得黎呢度試下啦,順便可以感受下江南年輕人嘅夜生活。 강남무한집 地址:서울 강남구 강남대로96길 19 영우빌딩 營業時間:15:00 - 01:00 唔想錯過我最新嘅分享,就記得follow 埋我嘅ig 同facebook啦