韓國人平時中意食啲咩?今次就等韓國人帶我去食好“東西”啦! 係未返韓國之前韓國人都成日同我講要食아구찜,究竟咩係아구찜?有咩野令到一個平時唔食魚嘅人會好想食魚? 아구찜就係辣炖鮟鱇魚,係以大量芽菜+鮟鱇魚+辣而炖煮成嘅一道菜,見到成碟紅卜卜,真係口水都流埋。 由於韓國人嘅文化關係,呢餐只係第一餐,之後仲有第二餐,第三餐⋯什至係第四餐⋯所以我地4個人食只係叫左個辣炖鮟鱇魚(中)約52000krw,芽菜爽口加埋啲辣汁非常野味,鮟鱇魚大大舊肉骨又少,唔識吐骨嘅我都食左三大舊,超好味 係韓國好多餐廳只要你只一味主食,都會送上好多伴菜,今次就有青口蜆湯,生蠔bb,一個綠色嘅煎餅(唔記得影相),粟米沙津,仲有好少會送嘅伴菜“醬油蝦”!!!! 青口蜆非常鮮甜,醬油蝦亦十分爽甜,醬油夠入味 個辣炖鮟鱇魚記得唔好完全食晒,要淨返少少芽菜同少少汁黎做返個炒飯做結尾,先至係完美呀 吸收左成個辣炖鮟鱇魚嘅精華,個飯真係冇得頂ㅠㅠ 雖然食辣炖鮟鱇魚唔一定要黎仁川,不過間間做法唔同,味道都唔一樣,所以有機會的話記得要黎試下啦 통해해물탕 地址:인천 부평구 부평문화로 108 營業時間:10:00 - 00:00 唔想錯過我最新嘅分享,就記得follow 埋我嘅ig 同facebook啦