好多朋友都中意搭凌晨機去韓國,但去到仁川機場都只係早上五點左右,攞埋行李先係六點幾,但又未到check in時間,咁早去首爾有咩做呢?咁不如轉下地點,一於去機場位於嘅仁川到玩下啦! 仁川同首爾一樣,都分開好多唔同嘅地區,可以去玩嘅地方都有好多,落左機之後就搭地鐵離開機場,本身預定嘅宿舍係富平,因為要轉綫關系,就去左朱安站 “주안역” ,朱安站位於1號綫156號站,係仁川國際機場站搭去黔岩站 “검암역” I207號站,轉去仁川2號綫就會去到朱安站,朱安雖然唔係啲咩旅遊區,亦冇中文/英文餐牌,但如果每次去韓國都只係去首爾的話,好快已經去晒首爾圈內嘅旅遊景點,首爾係韓國嘅首都,所以物價都比較貴,但仁川除左旅遊區仁川中華街、松島、月尾島⋯等旅遊區外,仁川其他地區嘅物會比首爾平。 第一日到步仁川就落大雪,所以我地就將行李放左係地鐵站內嘅locker,大約5000krw就可以放足一日,唔洗拖住啲行李周圍行,超方便。之後就周圍行下去搵食⋯ 由於又凍又肚餓嘅關系,見到間24小時嘅燒肉店諗都唔諗就立刻衝左入去啦⋯ 冇錯,係早上八點幾食燒肉做早餐,太奢侈了吧XD 係韓國食燒肉比香港平得多,二個人食,叫3份肉,埋單都只係港幣三百蚊左右,太抵啦! 餐廳坐位都自算多,雖然係24小時營業,但去食嘅本地人都唔多,當時只有一枱韓國人係度食緊。 韓國所有餐牌嘅燒肉,最少同一種肉要叫二份起,之後就可以叫一份第二款肉,每間餐廳嘅規矩都唔同,但第一次就一定要叫同一款肉嘅二份,我地今次就叫左二份冇調味嘅牛肋肉(9900krw/份),同一份有骨有調味嘅排骨(15000krw/份),加燒酒一支4000krw,埋單都只係38800krw,埋單唔洗hkd300已經食到飽飽了 雖然餐牌冇中文/英文,但就咁睇圖已經可以點到餐,所以唔識韓文都唔緊要,好重要嘅要講多次“最少同一款肉最少要點二份”!! 食完早餐都係十點幾⋯有咩好做呢?韓國人話,不如去CGV睇場戲⋯ CGV就係餐廳對面嘅大廈,上去之前明明睇到10:10有場,但十點上到去竟然未開門,賣飛嘅員工竟然未返工⋯小賣部嘅員工話應該場戲開唔成⋯所以就去左第間CGV睇韓國上映第二位嘅“炸雞特攻隊” 點擊圖片放大 8000krw/位,呢張收據已經係戲飛⋯ 爆谷餐8500krw,冇錯⋯岩岩食完燒肉,而家又食一大桶爆谷⋯ 第一次係韓國睇戲,係一粒字幕都冇⋯用我所識嘅韓文去理解成套戲XD 套戲係好笑嘅,但因為搭凌晨機嘅關系,基本上成晚都冇乜點訓過⋯開頭勁食爆谷都算頂得住,但睇左1/3之後唔小心訓左⋯隔離果位就笑到咔咔聲,之後下半部果3/3我就醒左,隔離果位就訓到豬咁XD,我就笑到咔咔聲⋯最後二個人夾埋先睇左一套戲⋯成套戲講咩?我淨係知係講緊一班警察為左查案而開左間炸雞店而賺大錢⋯最後好似係破到案咁。 조선화로집 주안점 地址:인천 미추홀구 미추홀대로734번길 6 營業時間:24小時 唔想錯過我最新嘅分享,就記得follow 埋我嘅ig 同facebook啦