本身諗住去食附近某間任食火鍋，但因臨時決定所以未有訂位，直接上去攞飛要等30張枱，所以轉戰女人街搵食 由於一心諗住食打邊邊，所以誤打誤撞就入左呢間先食雞煲，後食任打火鍋 係出面望入去見唔多人，心諗可能伏伏地 入到去侍應姐姐十分親切，由於同行嘅另一半唔識中文，餐廳亦有英文餐牌提供，但點菜紙就冇英文版 雞煲+火鍋任食+任飲=$188 另有加錢食靚啲嘅牛肉選擇 如果唔想食雞煲，可以選擇$178，淨火鍋任食+任飲 小辣雞煲 雞煲叫左小辣，但我同另一半都覺得超咸，加左少少湯之後都係覺得勁咸，所以食左幾舊就立刻加湯打邊邊，雞煲可以唔試 肉類選擇：肥牛，羊肉，豬肉，牛舌 肥牛OK，羊肉唔so，豬肉OK，牛舌OK 其實任食選擇不多，質素可以，如果唔想等，但又想食到任食火鍋嘅話，係一個唔錯嘅選擇 滾喜火鍋專門店 地址: 旺角通菜街2A-2P鴻光大廈地下F,G及H舖 營業時間: 星期一至六 12:00 - 00:00 星期日及公眾假期 16:00 - 00:00 電話: 2385 2899 唔想錯過我最新嘅分享，就記得follow 埋我嘅ig 同facebook啦
