一場咁遠黎到濟州， 梗係要食啲第度食唔到嘅野啦 係首爾食到嘅辣牛肉湯“육개장”就係人都識，係成碗紅卜卜，辣嘅 濟州有一間出名嘅小店，係食唔係紅色嘅“육개장” 同一般嘅“육개장”好唔同，呢碗牛肉湯係完全唔辣 有一種特別嘅味道，會另人食完一次想再食第二次 黎到濟州一定要去試下 話說我同朋友當日一落機，租完車，就立刻揸車去，時間係早上八點幾左右 去到已經見到咁嘅場面ㅠㅠ 大部份都係本場人，遊客只有小貓幾隻 人多到要攞飛等位，由於要把握時間去觀光 所以決定唔等啦，第日再黎食過 由於同行者係一個十分嘴刁嘅人，講到呢個牛肉湯非食不可 佢每次黎濟州都一定要食嘅其中之一樣 所以係某一個清晨，我地六點幾就醒左，所以就決定立刻飛車去食早餐～牛肉湯⋯ 出去嗰時真係天都未光，好癲呀 好彩去到嗰時只係有幾個大叔係度食緊 其實呢度唔止一款食物賣，但就係出名食牛肉湯 登登登⋯呢個就係傳說中嘅牛肉湯 雖然有一小堆辣椒粉，但我覺得一啲都唔辣 呢碗牛肉湯嘅味道唔識點去形容，有一種獨特嘅香味 同一般嘅韓國湯品好唔同 佢唔係成片牛肉咁好煮，係用手將啲牛肉撕到一絲絲加埋蕨菜再煮 濟州牛肉湯係比較杰，質感好似食緊碗仔翅咁 好岩我口味味 고사리육개장 蕨菜牛肉湯8000krw 사골해장국 牛骨解酒湯 8000krw 我地除左牛肉湯之外，仲叫左解酒湯 解酒湯係辣嘅，如果唔食得辣就千祈唔好叫啦 呢間餐廳嘅拌菜竟然有生辣魷魚粒粒，仲可以無限添加 係好食嘅，但好咸，所以我只係加左一次 如果個辣魷魚粒粒岩你口味的話，係可以一樽樽咁買走㗎 不過幾錢我就唔係好記得了 今次濟州之行，我地食左牛肉湯2次 第二次係早上十點左右，等左一陣就可以入坐 如果想食到牛肉湯嘅話，就記得避開韓國人嘅早餐時間啦 口味因個人而異：） 우진해장국 （濟州巿） 地址：11 Seosa-ro, Samdo 2(i)-dong, Cheju, Jeju-do, 韓國 營業時間：06：00-22：00 唔想錯過我最新嘅分享就記得follow埋我嘅ig同facebook啦
