好耐冇寫blog啦，返黎三個月之後終於可以再返鄉下 今次就決定去想去咗好耐嘅濟州島~ 由於濟州島係冇地鐵，所以交通比較唔方便，巴士班次亦比較疏落 所以如果同識揸車嘅朋友去就一流啦XD 而家去濟州島唔一定要搭飛機去到仁川，再去金浦搭內陸機去濟州島 香港濟州航空同HK Express已經有航班直飛濟州島 仲可以選擇去程香港>濟州，回程仁川>香港 即係只需買多一程由濟州>金浦嘅內陸機，就可以玩埋首爾啦 但去濟州島嘅航班唔係日日有，所以要留意返航班日期 及盡早預訂由濟州>金浦嘅機票 我地今次就係返金浦之前嘅2日先預訂機票，所以就訂唔到好嘅時間.... 要係早上十一點就返金浦了，原定係下午先返金浦=_= 好啦~事不宜遲，出發 今次選擇了濟州航空，時間比較好 去到濟州已經係韓國早上六點半，天氣超級好!!! 走出機場緣著斑馬線及跟住人群走，就會去到租車場嘅shuttlebus乘車場 去到shuttlebus乘車場，搵返係香港已經預訂嘅租車公司巴士上車 大約15分鐘到就會到租車場 租車公司有好多間，只要係網上打"濟州租車"或者"제주렌트카"就會有好多個租車網站走出黎 比較下價格之後再決定向邊間租車哦~ 我地今次就決定搵呢間"Jrcoop"公司租電動車，電動車一來比較安靜，二來充電費亦較平 濟州四處都可以搵到充電站，而充電費用也要預先係租車場填值 落車之後會見到行李停泊處，記得泊好行李之後先入去租車，行李係唔可以帶入辦公室咖 呢架就係我地今次租嘅電動車，租車費6日+保險費+油費=大約200,000krw(即hkd 233/日) 係濟州泊車好方便，只要唔係主要道路同埋唔會阻到其他車出入嘅地方都可以免費泊車 如果泊停車場嘅費用亦唔會好貴 有幾次我地泊左入停車場，佢話我地係電動車，所以停車場費係"無料"免費!!! 韓文jrcoop租車參考網止:http://www.jrcoop.co.kr/rev/rcar/c_list.php
