1，乙支路3街-乙支麵屋 之前因為金正恩嚟咗南韓，所以平壤冷麵大排長龍 賣平壤冷麵嘅店舖有好多間，今次去試嘅就係位於乙支路3街嘅，乙支麵屋 地鐵乙支路3街站5號出口直走，5分鐘內到達，非常易搵，個門口係咁嘅，一個唔覺意就會錯過左 一直行經過左條走廊就會到乙支麵屋，走廊沿途會見到貼左好多北韓地圖，同埋北韓嘅相，有點神秘 由於今次主要係黎試平壤冷麵，所以我同朋友都係叫咗水冷麵 冷麵分兩種，一種係水冷麵，一種係撈麵 冷麵（有水）10000krw ， 麵追加 7000krw 撈冷麵 11000krw ，麵追加 8000krw 牛肉湯飯 10000krw 烤肉 48000krw 白切牛肉 27000krw 豬肉片 22000krw 食店入邊就好似平時電視劇見到好古舊嘅韓國食堂咁，有少少中，比韓feel 平壤冷麵：肉兩片，蛋半隻，小小辣椒粉 冷麵黎到，首先一定要試下冷麵湯，品嚐左一口，小小鹹鹹地好清嘅感覺 記得係必須品嚐個湯⋯因為之後連埋個麵一齊食，就唔會食到個湯有味⋯ 所以之後就要靠佢哋啦，辣椒粉、芥茉醬、醬油、食醋⋯ 冷麵上枱嗰陣時會附上一把較剪，把較剪係用嚟剪斷啲冷麵嘅 如果唔剪係好難食到，所以係食之前記得剪開啲麵啦 對於我個人黎講，平壤冷麵都係試一次就夠了⋯ 如果大家都想體驗下平壤嘅味道你都可以試吓啦XD 味道：♥ 乙支麵屋 을지면옥 地址：乙支路3街站站5號出口直走右手邊 營業時間：11:00-21:00 星期日/新年休息 2，金家네 金家네 本身係主打食飯卷，但其實仲有好多種類嘅野食 而且係連所店，好多地方都有 今次就試下個水冷麵6000krw 始終唔係專門店，味道真係麻麻 如果唔去唔到冷麵專門店食嘅，都可以試下嘅 味道：♥ 金家네 地址：서울특별시 서대문구 연희로 118 소호리빙텔 營業時間：09:00 - 21:30 3，梨大-꼬기냉면 講起梨大就人人都識， 大熱天時行街，食返碗涼浸浸嘅冷麵就最爽 今次介紹位於梨大商圈，差不多行到尾，係Juno Hair樓下嘅꼬기냉면 冷麵得二種，水冷麵（唔辣），拌冷麵（辣），各6000krw 二種都配有烤豬肉 如果唔想食冷麵嘅話，仲有牛肉湯（辣）配飯6000krw，或牛肉湯（辣）配手切麵+飯7000krw 通常食冷麵都會附上一堆醬料，芥末、醋、辣椒粉 落唔落醬料，就因個人口味而定 冷麵嚟到首先要試一口湯底嘅味道，之後再連埋冷麵一齊食 食完覺得唔夠未嘅話就可以開始落醬料 而我就鍾意落少少芥末同埋辣椒粉 以呢個價錢嚟計算係好抵食，同埋味道都OK 如果再去梨大嘅話我會再去食 味道：♥♥♥ 꼬기냉면 地址：서울특별시 서대문구 이화여대7길 30 營業時間：11:00 - 21:30 4，육쌈냉면 呢間冷麵店都係連所店，係大家熟悉嘅弘大，明洞，南大門，梨大⋯等等，都有分店 我就去左位於弘大商圈嘅分店 水冷麵及拌冷麵配烤豬肉各7000krw 如果唔想食冷麵嘅話另外仲有拌飯都係7000krw 呢間冷麵店，水冷麵同埋伴冷麵我都試過 拌冷麵超辣，跟隨拌冷麵會附上一壺湯 覺得乾得滯或者辣得濟都可以加啲湯入去食 我覺得梨大嘅烤豬肉比較好食，呢間啲豬肉有好多筋 而冷麵味道都ok，唔算好好食，但又唔算難食或者冇味 提返，呢間店會有一個好大銀色圓桶形嘅湯機係水機上面 入面嘅湯係熱嘅，上次去食嘅時候，有幾個香港人以為係茶嚟 用杯裝嚟飲，講唔知咩嚟，好怪XD 所以大家下次去就醒目啦：） 味道：♥♥♥ 육쌈냉면 地址：서울특별시 마포구 와우산로23길 35 營業時間：10:30 - 22:30 5，弘大-마포나루냉면 位於弘大商圈偏近合井站，比較正宗嘅冷麵店 店內係懷舊嘅裝修，地下嗰層係普通餐枱，二樓有室外及室內，而室內就係坐地式餐枱 餐牌有拌飯及冷麵選擇 朋友就叫左三文魚拌飯9500krw 拌菜小碟有鵪鶉蛋，魚糕，泡菜，叶蘿蔔 呢個冷麵係我第一次覺得唔落醬料，都覺得有夠味嘅冷麵XD 但我都落左少少芥末⋯ 水冷麵7000krw 想試冷麵，又想方便嘅，呢間餐廳絕對係唔錯嘅選擇 味道：♥♥♥♥ 마포나루냉면 地址：서울특별시 마포구 어울마당로 76-1 營業時間： 11:30 - 03:00 年終無休 6，亭子站-명동칼국수 明洞刀切麵 個名雖然叫明洞刀切麵，但實際唔係明洞，亦得二間分店，都係唔係遊客區 上次因爲去參加朋友嘅新居入伙，所以就去左亭子站附近順便行下 朋友話明洞刀切麵好出名，所以就試下啦 韓國大部分嘅食物都係辣，而呢個刀切麵都唔例外，肉都好少，但味道係好味嘅，麵量都好多，7000krw 其實我想介紹嘅係，朋友叫嘅，豆漿冷麵9000krw 好似係夏天先有嘅冷麵，我試左一口，係好濃，好杰嘅豆漿，係少少咸味，冇肉嘅，如果要成碗食曬，我覺得有啲dry 味道：♥♥♥ 명동칼국수 明洞刀切麵 地址：경기도 성남시 분당구 쇳골로 26
