自從喺韓國食過一次薯仔排骨湯之後，就深深愛上左ㅠㅠ 薯仔排骨湯通常都係要二人份先可以食到，係冇得叫一人份 但其實同薯仔排骨湯一樣味，一樣有豬骨，但係冇薯仔嘅就叫做뼈해장국豬骨解酒湯 所以一個人都可以食到冇薯仔嘅仔排骨湯XD 今次就介紹下位於弘大附近嘅薯仔排骨湯 1，이대조뼈다귀 呢間薯仔排骨湯係二十四小時營業，如果搭通宵機或者shopping Shop到好嘢嘅都可以呢度食嘢 餐牌雖然冇中文，但係睇相都知道大概係啲咩 主要食物都係燉排骨，薯仔排骨湯，豬骨解酒湯 而我今次就叫咗豬骨解酒湯뼈해장국 其實解酒湯只係一個名，同酒係無關嘅 因為韓國人多數飲完酒之後嗰日，都會食個熱湯黎解酒，所以叫解酒湯 所有豬骨解酒湯都係辣嘅，我食過幾間有啲係勁辣有啲係微辣 辣嘅程度真係因個人而義，我本身一般辣係接受到，所以呢間我覺得唔太辣 排骨有兩排，啲肉唔韌，味道OK ，唔算好好食，但又唔算好食 如果夜麻麻想搵嘢食嘅都係一個好選擇 好味道：♥♥♥ 이대조뼈다귀 地址：서울특별시 마포구 동교로 200 營業時間：24小時 2，원당감자탕 呢間係位於弘旅遊區，公園仔附近入面嘅小巷 呢間冇排骨解酒湯賣，薯仔排骨湯最少二人分起，另外亦有燉排骨 薯仔排骨湯價格參考： 2人份 23000krw 3人份 27000krw 4人份31000krw 特大35000krw 薯仔湯入面有公仔麵、薯粉、菇、芝麻葉、大蔥、薯仔、排骨等⋯ 相比起排骨解酒湯材料比較豐富 由於排骨一早煮好咗嘅關係，只要等啲配菜煮熟就可以開始食啦 我比較鍾意呢間嘅薯仔排骨湯，味道比較啱我口味，同埋辣少少 由於主要係食排骨，所以用餐嘅時間都需要較多 淨係用筷子係食唔到嘅，多數都要用埋手，食店亦都準備咗濕紙巾所以唔使驚 好味道：♥♥♥♥ 如果多人嘅話我推薦食呢間，但如果得一個人嘅話第一間都係唔錯嘅選擇 원당감자탕 地址：서울특별시 마포구 와우산로21길 20-6 하나빌딩
