去旅行梗係要體驗一下當地生活文化 上次同朋友黎韓國旅遊，係弘大延南洞試過剪頭髮 我覺得效果都唔錯，本來諗住去返上次嗰間度剪 上年10月嘅價錢係20,000krw，但頭先再去睇已經加左價25,000 krw 因為我係窮學生嘅關係，所以就膽粗粗去試上次經過見到，剪髮只係11,000 krw嘅美容室 *韓國所有嘅髮型屋都係叫美容室 美容室位於弘大與合井中間，唔係係旅遊區當眼位置 講返大家最關心嘅價錢先 普通剪頭髮+吹頭=11,000krw 普通剪頭髮+洗頭+吹頭=16,000krw 電髮30,000krw ~ 100,000krw 不等，視乎你點電同用咩藥水 染髮30,000krw ~ 50,000krw 普通韓國嘅美容室都係會有嘢飲，如果你想飲嘢嘅同髮型師講就可以 我今次就只係剪頭髮+吹頭，11,000krw 呢個價錢係韓國剪頭髮真係好平，好抵玩XD 有兩個髮型師，一個男一個女，髮型師識少少英文 但大家都最好帶埋心儀髮型嘅相去剪，咁就萬無一失唔怕溝通唔到 當日去到有五個座位，但已經有四個人喺度整緊頭 但髮型師只係得兩個，所以最好預約 當日我冇預約，好彩只係等左10分鐘 因為大部份都係染髮或者電髮，所以中間有時間先可以幫我剪 我本身頭髮就好似上面張相咁，叫咗我oppa幫我偷薄，剪短一吋同埋前面少少層次 登⋯登⋯登⋯登⋯ 出嚟嘅效果就係咁啦，我冇電到髮，只係幫我用電熱髮卷卷左 效果都相當滿意，呢個價錢簡直係超值 之後去同朋友食飯，朋友都好睇ㅎㅎㅎㅎㅎㅎ Casual Hair 地址：서울특별시 마포구 잔다리로 36 營業時間： 10:00 - 22:00 電話：02-333-8324
