Visitseoul除左文化體驗之外,仲有免費徒步旅遊導賞團 導賞團主要係徒步去觀光一啲有歷史背景嘅景點 雖然呢啲景點可以自己去,但自己去的話就只有觀光 未必可以真正去了解背後嘅由來 之前一直都想去7017首爾路,所以今次就揀左徒步夜遊首爾路導賞團 所有導賞團嘅導賞員都係義工,主要係想介紹韓國歷史文化而參加做導賞員 所以預約左的話記得一定要準時出席,如果有事出席唔到,記得係24小時之耐取消啦 徒步旅遊有好多條路線,路線詳情可以上返visitseoul 官網瀏覽 係網上選擇好路線之後就可以立刻進行預約,一人成行 報名後好快會收到email確認,email內會有都導賞員姓名、電話、集合時間、地點、預約日期 而實際行程時間就根據人數及進度而定 我參加嘅係(首爾路7017) 首爾路夜行 (夜間路線),係預定時間晚上7點首爾站15號出口集合 我去到集合地點時已經見到導賞員係出口度拎住我個名等緊我,由於我參加當日只有我一個遊客,所以就可以立刻出發 今次徒步路線介紹 : 首爾站15號出口 - 首爾路7017 - 南大門教會 - 漢陽都城 - 白凡廣場 - 南山天橋 - 崇禮門 行程時間大約2小時,因為係徒步觀光,所以大家記得著波鞋去啦 以下係7017首爾路路線圖,雖然話係夜遊首爾路,但整個行程係以南大門為終點,首爾路只係其中一部份 首爾路會以韓文拼音分區種植唔同品種嘅花 導賞員會一路行一路講解首爾路嘅歷史 5月係首爾路開幕一周年,聽聞第10,000,000名到達首爾路嘅人會有禮物 沿著首爾路行就到下一個景點,南大門教會 之後向山上移動到漢洋都城,導賞員會講解城牆嘅由來,由城牆嘅石可以睇得出係咩年代建造 上到山就會見到南山塔,白凡廣場 白凡銅像 解說完就會落山,去最後一站崇禮門 導賞員解說完最後一個景點崇禮門之後就係呢度解散 呢度附近有南大門巿場,或者行20分鐘左右到明洞 有興趣嘅朋友記得趁早預約,額滿即止 詳情請到visitseoul官網瀏覽 http://tchinese.visitseoul.net/walking-tour