某日係visitseoul 面書見到有韓流體驗: 韓流電視劇中的K-food料理課堂 韓流明星美妝課堂 MBC World電視主題公園旅行活動 電子競技場探訪活動 SMTOWN博物館探訪活動 除左料理課堂之外,其他都係免費嘅 其實所有課堂我都想參加,但只有美妝課堂時間合適之外,其他時間都要返學 所以我就立刻報名參加美妝課堂,每班20人,如果名額超過20人,將通過抽籤來選擇參加者 報名時,每人可以選擇帶一位朋友一齊參加,只要報名時寫埋朋友個名,就可以了 填寫完報名表,課程3-5日前就會收到email確認 收到email後需要回覆確認當日可以參加課程,如没有在指定日子內回覆,即代表放棄參加課程 因爲課程只供外國人參加,所以課堂當日必須帶本人護照去上堂,如果没有提供護照,便不能參加 課堂係下午3點開始,參加者需要係2點45分前到達上課地點 上課地點:eSpoir 旗艦店梨大店2層(首爾市西大門區梨花女大路56) 登記之後就可以上2樓等上堂 枱上各種化妝品可以試用 課堂導師係以韓文受課,但visitseoul工作人員會立刻以英文講解一次,所以唔識韓文嘅朋友都唔洗驚聽唔明oppa講咩 當日化妝課程主題係:韓國 2018 S/S 潮流美妝 眼妝,底妝,以比較淡為主,唇妝為重點 眼妝都係用咗比較接近皮膚嘅顏色為主 導師講解完之後,有體驗服務,由專業化妝師幫大家化返個靚妝先走 如果真係想由頭到尾由導師幫你化一次妝的話,建議素顏或者只化底妝去上堂 體驗完成之後需要填問卷,表達你對課堂嘅感受 填完問卷就會收到由visitseoul送出嘅禮物 免費課程詳情可以參閱以下網頁 http://tchinese.visitseoul.net/hallyu/韓流體驗項目?indexSn=91&sectionSn=849