今次介紹位於弘大站與上水站中間,一個人都可以去食嘅炸豬排店 카츠3.3 如果由弘大商圈行過去,沿住弘益大學正門右邊方向一直行約5分鐘 上水站2號出口步行約5分鐘 去到門口會見到大大個炸豬扒餐牌棟係門口,所以唔怕搵唔到,炸豬扒店位於二樓,入到去自己搵位座,喺廚房門口位置會見到有部點餐機,點餐機隔離掛咗個英文餐牌,可以拎埋位慢慢揀 揀完之後就自己去點餐機點餐,點餐機嘅右上角可以選擇語言,唔怕語言不通 可以信用卡或者現金支付 比完錢之後,收據上面印有號碼,留意螢光幕上面號碼取餐 朋友叫咗番茄汁芝士豬扒 6800krw + 迷你冷麵2500krw,芝士係放喺面嘅,有另一款芝士係入邊 我就叫咗辣汁炸豬扒 7300krw + 叉燒 1500krw 每一份餐都會跟一個碗仔,門口隔離有湯機及水機,大家可以自助裝湯 呢個係上次食嘅芝士豬扒 7300krw 以呢個價錢呢個份量來講可以話係超值 過黎弘大掃貨嘅朋友仔記得去試吓啦 카츠3.3 地址:서울특별시 마포구 와우산로 66 2층 營業時間:每日11:30 - 21:00 落場時間15:00 - 16:00