近期突然喺韓國發現周圍都係Minions,無論係商場,超市或雪糕店 鍾意Minions嘅你又點可以錯過啊 POP-UP STORE 由而家至6月13號,喺蠶室站1號出口Avenuel 商場中庭 喺地鐵站1號出口一直行到中庭,就會見到由金槍魚罐頭砌成嘅Minions 喺隔離就會見到Pop-up Store 有好多Minions樣嘅金槍魚罐頭,個鐵盒真係好靚 Pop-up Store店內有大量精品,公仔,眼鏡布,手機殼⋯ 點擊圖片放大 +7 係出口仲有個影相位,大家可以攬住心愛嘅Minions影相 咁遠嚟到,順便睇下商場入面嘅其他商店 2樓有彩虹蛋糕Dore Dore 蛋糕價格由9900krw起,每一舊都好好食咁ㅠㅠ 點擊圖片放大 呢個商場附近多數食店都係中高級,所以我就同朋友落咗去超級市場入邊嘅餐廳食嘢 我叫咗一個辣嘅炸醬麵,超級好食只係6000krw 比起平時黑嗎嗎嘅炸醬麵,覺得呢個신 짜장 辣炸醬,好食好多 朋友就叫咗咖喱豬扒飯8000krw,唔知點解個飯少得可憐XD 但又唔知點解我個辣炸醬,會包一個飯⋯所以我就將我個飯俾埋朋友食 蠶室站同三成站只隔兩個站,所以跟住就去咗三成站星空圖書館 三成站5,6號出口方向直行至COEX MALL,就會見到星空圖書館 呢個圖書館真係超靚,影相一流,如果可以等到晚上,應該會更加靚 星空圖書館 별마당도서관 地址:서울특별시 강남구 영동대로 513 스타필드 코엑스몰 營業時間:每日10:00 - 22:00 年終無休 喺圖書館隔離就有kakao store,仙人掌系列真係好得意好得意,好想帶Ryan返屋企>3< 呢個公仔都好得意,但我唔知佢叫咩名XD 行返上地面就會見到SMtower,係fans嘅你記得唔好錯過啦 如果頭先喺pop-up store 覺得仲未買得夠minions 產品,或者去唔到pop-up store嘅朋友仔 可以去好多地方都有嘅homeplus,而我今次去嘅係位於合井站嘅homeplus 呢間homeplus 唔算大,得一層,但都可以行好耐 行去家品部就會開始見到有Minions嘅蹤影⋯ 呢個公仔超想買,大大粒都只係9900krw 除左minions仲有其他款式 點擊圖片放大 +2 夏天用,薄被9900krw Homeplus 合井站 合井站10號出口直走,會見到homeplus入口,落地下一層 由弘大步行至合井站約15分鐘 地址:서울특별시 마포구 양화로 45 메세나폴리스 營業時間:10:00 - 00:00 逢每月第二及第四個星期日休息 http://corporate.homeplus.co.kr/m/STORE/mHyperMarket.aspx 呢幾日真係一直喺周邊都見到Minions嘅蹤影 今日經過弘大分店,所有Minions系列嘅雪糕都斷貨 上次喺其他分店試食過其實味道係一般 其實換呢個收納箱先係重點XD 由即日起買滿19500krw 就可以加 5500krw 帶佢返屋企啦 http://m.baskinrobbins.co.kr/event/view.php?flag=&seq=3082