之前嚟韓國旅行已經見到呢間火鍋放題,但從來都冇諗過要食 但人在異鄉倍思鄉嗎⋯⋯依家終於明白點解要食XD 無論係香港人定中國人都好鍾意打邊爐,所以今次就約埋同學仔一齊嚟食火鍋放題 位於弘大入口站1號出口,上一篇文章介紹過嘅Butter Shop上一層 午餐 (選擇火鍋或烤肉) 牛肉一碟+其他食物放題 平日午餐:成人 12900krw 小童 9900krw 幼兒 6900krw 牛肉+其他食物放題 平日午餐:成人 17900krw 小童 12900krw 晚上:成人 19900krw 小童 12900krw 幼兒 6900krw 入到門口首先揀火鍋定烤肉,牛肉一碟定係放題,跟住就立刻俾錢 比完錢之後職員就會比一張收條你,上面寫咗你要坐嘅枱號 根據以下嘅座位表搵返你所屬嘅枱號 搵到座位之後坐低,枱上面已經有一個鍋但係冇湯嘅 之後要出去出面個雪櫃度自己攞湯 湯有三款,第一款係牛肉湯,第二款係甜甜地嘅湯,第三款係辣嘅湯 想要邊款自己攞埋位,加入鍋就可以開始打邊爐啦 大致同香港一樣,自己係出面調醬 點擊圖片放大 有好多款熟食,全部都好好食,有辣味雞肉烏冬,炒飯,炒雜菜粉絲,血腸年糕粉絲卷,辣味炸雞,魚糕串,甜品⋯ 點擊圖片放大 +2 除咗弘大仲有好多地方有分店,新村,江南,釡山,大邱⋯ Loun Shaba 로운 샤브샤브 地址:서울특별시 마포구 양화로 153 토르스타워 지하1층 (2호선 홍대입구역 1번출구) 營業時間:每日 11:00 - 22:00