去韓國除咗去旅遊景點之外，其實仲有好多嘢玩嘅，今次就介紹下一個位於弘大嘅室內棒球場。呢個棒球場位於弘益大學對面嘅小路，由弘大站9號出口步行約9分鐘。 入到去就會見到一個職員，首先要選擇玩幾耐，我同朋友就選擇咗40分鐘，下午4點前40分鐘收費係26000won，由於我哋到達嘅時候已經係下午5點幾，所以收費係34000won，可以選擇嘅時間及收費見下圖收費表。 選擇時間候，職員就帶我哋入房，入到房職員幫我哋入名，之後就可以開始遊戲啦！ 係呢部機度可以見到自己及朋友所得嘅分數，但我同朋友雖然打中咗好幾球，但全部都係out XD ，所以一分都冇⋯ 係螢光幕中間會有個正方形洞，嗰就係棒球嘅出口，要打得中其實唔難，最難係打得中而唔out⋯ 40分鐘好快就過去，玩完之後出去比錢就可以走㗎啦。 係香港好少機會可以玩到，所以嚟首爾嘅朋友仔可以嚟試下，都幾好玩㗎！ 地址：서울특별시 마포구 와우산로23길 9 지하1층 星期六 12:00 - 06:00 星期日 11:30 - 04:00 公休日 11:30 - 04:00 平日 13:00 - 04:00
