作為這個Blog既第一篇文章, 當然要簡單介紹自己啦 ^_^ 自己從小就覺得攝影好神奇,有時會係度諗: 點解一個盒子, 一個鏡頭,一個按鈕,而當每次一按快門,就能把眼前既景象拍下來.故此由細就對攝影產生一種好奇心. 但可惜細細個屋企人認為"相機"是一個奢侈品,所以自己既童年就只能靠記憶,而缺乏實體相片. 到自己大個出來社會工作(大約2012年),開始賺錢就買左我人生第1部相機Sony-T900. 但愈影愈多就開始追求較為高質素少少既相機[即是我現在用緊既"Sony RX100"],攝影令我可以為現存既東西紀錄下來, 不論是環境,社會以及自己,一一都可以拍低,一一都可以紀錄下來.或許自己真的是一個非常念舊的人. 不知不覺地自己對攝影呢個嗜好已有5年了,自問自己做什麼事都是3分鐘熱度,難得攝影這團火令我可以繼續下來,亦許我真的喜歡攝影. 自己既攝影方向不是追求高質素既相片,不是令人有眼前一亮既感覺, 只是喜歡紀錄而已. 而自己一直以來很喜歡既一首歌:[ 周柏豪 - 同天空 ], 自己好喜歡呢首歌既詞,每次一聽就令我不自覺地拿起相機踏入我既攝影旅程. [我要擴闊我天空 暢遊星空 只要堅守便有夢] 我既興趣就是喜歡周圍遊歷,拍低所見所聞. [故此,從今我要堅守我這個"夢"]