旅程經歷了一個月，有別於過去的歐遊，没有遊覽了很多，至今也是第二站Preten.這兒是我的首個helpx，即打工換宿，平均每天工作約五小時，換取食宿，或更多。先簡介一下，Preten位於Lower Saxony. 係距離漢堡一個鐘火車叫brahlstorf 既站外十公里遠的小鎮。據知只有約一百人居住。但當然附近仲有啲大啲既小鎮。我的host 係一個退休老師，以及佢的在職太太及兩隻貓。幾日前還有位澳門workaway朋友，但佢已經轉場了。 而我不經不覺來了一個星期多，但感覺郤像來了半個月有多。因為時間在這裡行慢好多。一到wochende, 時間會再慢點，因為你無工作但有時間。而在這個小鎮上，沒有太多比留在家中有趣的活動及景點，即使家中的網速比十年前的56k快上一點。而我，在這個地方，到這一刻，以工作換取了錢以外的一點經驗....比如，whv十件必做事情的"上當地報紙"。 不過，在這裡helpx，又真係不錯的工作經歷。 雖然在這裡工作無人工，但你又堅可以一蚊都唔洗，如果你唔特別想買啲咩野或上Amazon.de。係到，銀包唔係跟身用品。 係到，我食左我係德國最豐富大餐，豬手、燒雞、羊腿、德國人家常小食、各種早餐的醬料及芝士、派對食物、雪榚零食及飲品等。作為一位在港家中没有任何零食積存習慣的我，衝擊很大。 另外，因為無娛樂及網絡，你有了更多自己時間，一種另類的自由。你能夠及會花更多時間在享受環境及hea。用膳變得慢及更有規律，你會花更多時間感受食物及用膳時間。而你也同樣有更多時間去做你真的自己喜歡的事，有別於上網及搵地方去。而我是跑步及睇書。因此，我有幸和德國人一齊進行馬拉松訓練，因我係Preten第三位馬拉松選手。而和德國人一齊跑27公里，我發現對德文聆聽有幫助。 講真，經歷了這個星期，helpx確實係一個唔錯的選擇。雖然工作有時都辛苦，要搬巨木頭，但都係我第一次咁大自然工作，仲砌左幾日木頭lego。而換來真實的德國家庭（退休）生活體驗及文化差異。或許比在柏林為中國人打工來得有趣。其實，工作不應只換取身體或心靈上的生存，而是活生生自主的生活。 係香港，我們用人生的三份一時間換取了甚麼。而一個華麗商場、購物天堂、不夜天，給予我們多少的選擇。點解我們不能享受hea，做家務，用膳及我們的四周。有時，我們需要一種真的選擇。或許以後旅遊，有多一種選擇。近一點，我的工作假期，也有多一種選擇。 我住的地方，後院而已 這裡會令你愛上大自然 係Preten，你可以係前鐵路跑步或踩單車，據說呢條路因為起時底樁做唔好，而令佢其中一段以時速10k行駛，因此廢棄了。德國人笑啲慢既鐵路會建議架火車加一個叫人切勿採摘花朵既指示。信不信由你，我老闆講既。 呢到都有民運，呢個係佢地專用logo,每家都有呢個木牌 呢到竟然遇見一家三口的怪樣 donkeys 第一次親身（假裝）成為牧羊少年 實用資料：兩個會費都係200蚊2年 www.helpx.net www.workaway.info 本人用helpx,但我認為workaway 好啲 寫於2014年9月4日 Host家中那張舒服到爆既平價sofa床
