留係屋企，不妨技能解鎖一下。原來 蜜蠟布 (天然保鮮紙) 可以自己整，既實用又環保，又可以發揮心思同創意! 送禮自用得宜! 蜜蠟布係「天然保鮮紙」，而且可以用到爛為止。只要每次用完，避免用熱水洗，自然風乾後又可以用來包裝食物、外帶餐具等。一塊蜜蠟布係出面買唔平，自己買材料整又有有得諗? 唔想煩的話，可以買一pack有齊蜜蠟、刨、布的DIY材料包 (三塊布平均$20唔洗) 不過，如果有心思D，可以好似我地咁… 買原材料蜜蠟、布同顏料，整塊個人化蜜蠟布送禮或者自用。從生活實踐「重用」、「減少使用」(即棄保鮮膜) 。 嗚謝本地 養蜂人有蜜 提供物資，教大家蜜蜂對大自然的重大功用、一步一步同我們自製蜜蠟布 材料: 蜜蠟 (約一舊細番梘咁大) 淨色布 (建議尺寸: 25 X 25) 油掃 電熱器具 布用顏料 熨斗 現在簡介一下流程: Step 1 ) 準備材料 圖中為原始蜜蠟 左圖上有現成蜜蠟樣板 Step 2 ) 在淨色布上繪畫出不同的圖案 Step 3 ) 加熱了蜜蠟後，以油掃均勻地塗在布上，再以熨斗熨壓 (直至蜜蠟已全滲入布身) Step 4 ) 把熨好的布風乾 用蜜蠟布時只需以手指沿食物盒邊緣按壓，用手的温度令蠟產生天然的黏性，作密封用途。 Meelimami 希望藉著行動，向大家介紹環保的樂趣。如果大家想參加親子淨灘、升級再造工作坊、認識再造紙甚至再生膠工作坊等，記住留意Meelimami 的其他平台:FB專頁: www.facebook.com/meelimamiInstagram: www.instagram.com/meelimami #蜜蠟布 #自製 #養蜂人有蜜 #meelimami #親子共學 #共玩共學 #邊玩邊學 #自組活動 #親子活動 #親子好去處 #親子好節目 #有野玩有野學 #同熱愛這片土地 #助人為樂 #親子義工 #貼地生活 #如何培養孩子 #價值教育 #學環保 #學回收
