諗起新年就到，都想為屋企添置點裝飾和買點美勞用品之類，好讓小朋友長假期可以d細藝。決定去中南廣場走一轉，可能太耐冇來過，發現那裡的玩具、DIY材料、文具都十分多選擇!! 忍唔住開POST介紹，公諸同好! 《 貨 品 有 實 物 展 示，相 當 吸 睛 》作為一位孝順的媽咪，我一定先看「益智玩具」。雖然平時都有物色與STEM有關的玩具，但今次的發現實在太豐富。 咩類型的玩具 (教具?) 都有──人體生物、科學實驗、種水晶、棋、UNO、整Slime 等，應有盡有。 你話係模型定玩具呢? (一套有10盒!!咁多!!) 教育是一種「投資」，一點也没説錯! 哈哈! 而我屋企本身都買左幾本人體結構的書。如果有需要，都可能會買返其中一盒返屋企，同小朋友依書直說時就更輕鬆。如果小朋友鐘意玩SLIME，都有好多款式，豐儉由人。 預期成日去「夾寶石」(小朋友至愛)，不如正正經經比佢「種水晶」?!?! (利申: 我未入貨) 難得的是，店內有開箱樣本比你對照~ 冇花冇假! (最怕貴一貴買左樣野返屋企，冇心機同小朋友玩或者發現「與效果圖不符」) 《 DIY 材 料 超乎「你」想》無論係送禮用的心意卡，還是整來自己開心的大小手作都有! 淨係繡花線都有一大個座地格仔櫃比你慢慢揀色，十分有誠意。 《 抗 疫 好 物 》以前要搭人網購先搶到既兩大抗疫發明 「按笠神器」和「防藍光眼鏡」，都可以係呢度揾到。而且，仲有布藝口罩的DIY材料包! 跟住包裝的影片就可以整到，又一技能解鎖。(我諗起接近兩年前，大家四出撲口罩的情景，如果當時識整就好啦! ) 《 應 節 專 區》由於廣場地方大，所以騰出不少空間擺放賀年產品。一幅幅掛滿賀年掛飾的墻，一疊疊利是封、賀卡，不論生肖圖案或卡通圖案也十分精美。( 不過我都提提大家，用得曬先好買，以免浪費 ) 雖然我好似介紹左好多野，但其實我只行左一層咋！所以大家要預留充足時間去逛！我宜家只係走馬看花咋!!!! OMG! 如我有走寶，歡迎來訊話我知! 詳細地址: 1) 油麻地店 / Yaumatai Store 地址: 油麻地彌敦道503號萬榮大廈地下至3樓(油麻地站C出口左轉步行約1分鐘)2) 炮台山店 / Fortress Hill Store 地址: 炮台山英皇道135號民眾大廈M樓全層(炮台山站A出口對面)3) 荃灣店 (新店) / Tsuen Wan Store (New Store) 地址: 荃灣沙咀道289號恒生荃灣大廈地下至2樓完整產品概覽: https://www.chungnamhk.hk/%E5%95%86%E5%A0%B4%E6%8C%87%E5%8D%97 ------------------------------------------------------歡迎瀏覽Meelimami 其他平台的發佈: FB專頁: www.facebook.com/meelimamiInstagram: www.instagram.com/meelimami #文具 ＃百貨 #中南廣場 #科學實驗 #種水晶 #整Slime #購物情報#meelimami #親子共學 #共玩共學 #邊玩邊學 #周末好去處 #親子好去處
