大家有無留意到最近好多廣告都出現NMN呢個字母？保健食品啦、Skincare啦、就連hand cream 都話有NMN！咁到底佢係咩嚟，搞到好似人人都推梗呢樣嘢嘅？ 話說有排同同事傾開一齊喺I herb夾單買supplement，同事係大讚NMN好，佢係咁講的：「我食咗NMN差唔多一年，個人感覺係好瞓咗，好似個人無咁攰。」由於我個人都有食維他命嘅習慣，所以都好好奇了解下，好想知道NMN點解近來一下子咁HIT。 NMN係咩底蘊？ NMN嘅學名係β-nicotinamide mononucleotide/β-煙酰胺單核苷酸，當我Google NMN資料之後，好多文章都話了解NM之前要先了解NAD+，因為佢作用係修復身體DNA，主宰身體新陳代謝嘅必須元素，NMN亦係NAD+前體，只要補充NMN就可以喺體內轉化成NAD+，提升體內 NAD+ 水平對人類健康、壽命就非法重要，簡單D講可以抗衰老受埋逆齡。 不過，NMN喺日常生活入面好難透過飲食補充，而NAD+分子就比較大，就算口服都好，身體係難以吸收，咁所以呢就有科學家研究出口服NMN能大幅度提升體內NAD+含量，有效延緩衰老，作用就好似「現代版長生不老仙丹」。補充NMN身體會有咩好處？ 大致上有關NMN嘅研究，都係話有以下幾點： 補充 NMN 對肌肉代謝和修復有正面影響、有助抑制肝臟纖維化、有助延緩衰老或改善疾病有助控制血糖，以及預防腦退化症 維護身體機能幫助改善下肢功能、減少疲倦 補充 NMN 再配合運動訓練，有助提高運動員的耐力表現 養顏美容，調節生理機能 食唔食NMN好？ 市面咁多名人、KOL都大推NMN，有時難免真係會心動。但係個人認為，食任何嘢落肚之前都要小心了解當中成分，而且，NMN研發年期唔算長，人類臨床研究數據好似未足夠充足，所以我自己會先抱觀望態度，避免病從口入丫嘛。 想健康D，我個人會選擇做多D運動、維持均衡飲食，適當補充營養就OK啦~ 唔知大家又有無咩抗衰老心得呢?
