6-10 Mar 2019 四國五天自駕遊 三月頭四國比想像中寒冷,平均7至12度,地面唔會結冰唔使租雪呔,但緊記保暖衣冷帽頸巾暖包。出發了,九點幾早機乘搭香港唯一直航hk express 3個多小時到達高松機場。 Day 1 13:45pm 到步,一出閘口已經看到租車公司,今次B先生揀左Nissan Rent A Car 日本租車不嬲都貴,最平車仔都要$400日,今次係呢架lol 立刻衝去食高松出名既烏冬!由機場出市區條街好靜好多鋪冇開,加上下雨,感覺好冷清! 之前上網搵咗間比較出名的,去到發現原來好多餐廳下午3-5pm休息 , 最後求其搵左間味道都ok,一個牛肉烏冬一件天婦羅一件關東煮才$40幾蚊,性價比算高吧 點擊圖片放大 值得一提,高松市好多停車場,亦比東京大阪便宜,大多數都係50yen/100yen 30mins 快快手食完趕去收5pm的[象屋元藏]買蝦餅 把原隻八爪魚壓上蝦餅,還有魚仔和蝦其他味道,香脆鮮味,值得一試,但價錢一點都不親民haha 點擊圖片放大 下站著名景點粟林公園,好在雨勢不大,但下雨天去灰暗暗有點失色。 點擊圖片放大 +2 未行完整個公園已經6pm關門要走了。未肚餓決定先check-in dormy inn hotel , 高松市附近有兩間dormy inn , 做咗research ,book咗中央公園嗰間比較新淨。酒店有停車場yen1000 可24小事自由出入,有溫泉,有welcome drink ,9pm-11pm 有免費拉麵,連續住二晚如果冇需要執房仲可在check out 時送杯麵,大力推薦呢間酒店!! 準備去食晚飯,揀咗高松獨有的橄欖牛燒肉,距離酒店只有8分鐘,決定行過去 經過商店街忍不住買左件士多啤梨蛋糕同買咗盒$35又香又甜的士多啤梨做飯後甜品! 開餐啦!牛魔王的朋友一定要來高松試試橄欖牛,非常好吃,入口即溶得來又冇A5和牛咁油膩!冰菜包著熱騰騰的燒肉!!好幸福!點擊圖片放大 +3 大滿足 食飽飽返酒店浸溫泉。呢間酒店仲有一樣值得稱讚的,女湯要密碼開門,密碼每天都會轉好安全。今天晚上瞓一覺好嘅迎接明天小豆島之旅!