我的美麗日記玻尿酸保濕原液面膜 這款面膜我是第一次嘗試，一直試開美麗日記的基本款（一盒10片），想睇下呢個會唔會比佢基本款嘅玻尿酸保濕面膜更加好，打開塊面膜發現紙質同佢地宜家基本款嘅紙質是一樣的，佢地宜家嘅紙質好得我歡心，又薄又貼面唔似以前敷上面會滴水，但係敷完嘅感覺我就覺得同基本款嘅玻尿酸冇分別啦，但係圍翻個價錢佢又比基本個款貴小小，我都係之後買翻基本款啦。 保濕度：★★★★★ 貼服度：★★★★★ 精華量：★★★★ 清爽度：★★★★★ 即時亮白效果：★★★ 3M nexcare長效保濕調理面膜 這個面膜佢系屬於凝膠狀嘅分上下兩part，貼服程度極高，而且聞落都有股茶樹味，初步感覺不錯。但係問題來啦！佢嘅面膜紙好干，連最基本嘅系面膜上嘅凝膠都好似冇咁款，就係好似敷一塊干左嘅凝膠面膜，完全系好難頂。精華方面多系多，但係佢好油！油！油！唔知系咪因為茶樹油嘅成分啦，但係敷完唔覺得皮膚有保濕舒緩能力一般吧。敷緊期間我都已經想去洗面，冇話敷完之後啦。 保濕度：★ 貼服度：★★★★★ 精華量：★★★ 清爽度： 即時亮白效果：★ HIKARU喜凱露美白淡斑面膜 呢個系拖朋友系台灣買翻黎嘅，其實都係第一次試，但係個時見到佢有禮盒裝價錢好似都幾親民而且包裝又好似好“專業”就買左，佢紙質系木漿紙，但係敷上面冇滴水問題，佢美白效果好強勁，敷完當堂系見到皮膚整體亮左，我主要比我媽用的比較多，因為佢有斑斑問題，就想睇下可唔可以有淡斑效果，暫時就唔覺有淡到，但佢保濕都做的幾好，而且唔會刺痛，因為通常美白面膜會有刺痛感。題外話：我上年發現過一個淡斑超好嘅方法，系我媽面上效果超好，大約一個暑假可以明顯見到斑有減淡。有興趣嘅姊妹，我之後詳細出翻個blog講點樣淡斑。 保濕度：★★★★ 貼服度：★★★★★ 精華量：★★★ 清爽度：★★★★★ 即時亮白效果：★★★★★ Fascy PUNGSEON Tina’s collagen mask（Green caviar） 這個是卓悅做緊summer sale時大特價屎忽痕買黎試下，佢都有美白個d但係我自己面膜通常都係買保濕嘅，所以就買左呢款保濕+增加皮膚彈性，用完都幾surprise喔首先佢嘅面膜紙就係纖維紙好薄好貼面，袋內剩唔系好多精華，但係你望翻張面膜紙就會發現佢依附住好多好多精華，敷上面有被精華滿滿包覆嘅感覺成個過程好舒服，敷完發現按摩幾下精華已經完全吸收，保濕做的幾好之餘增加彈性都好明顯（系我媽面上見到增加彈性效果），但係韓國面膜都系比較滋潤，所以呢個我自己試完之後決定擺系冬天使用，同埋宜家因為佢比較滋潤嘅原因我自己就要去過水。 保濕度：★★★★ 貼服度：★★★★★ 精華量：★★ 清爽度：★★ 即時亮白效果：★★★ Sexy look 金箔補水上下分工雙面膜 上保濕下拉提，上面個part系黑面膜，上面附有金箔。下面個part系彈力棉布，冇金箔。我自己系睇一個台灣youtuber推介，加埋自己有試過sexylook嘅黑面膜對佢地嘅面膜都有好印象所以就去買黎試，先講上面嘅黑面膜，其實認真講我覺得同佢地平時嘅黑面膜冇分別只不過系多左金箔，主要都係保濕，不過敷完之後好清爽同埋會見到膚色提亮左。下面嘅彈力面膜，佢主要就系針對拉提、緊緻下巴線條，敷上去會有拉到好緊，但唔會話痛。我就覺得敷完下巴線條会feel到緊實左，而且佢下面個part嘅面膜精華比較杰身，我之後撕掉面膜再攞精華拍全面，雖然開始會有小小癡，但係過一小陣完全吸收左之後我完全可以唔需要搽cream，超級保濕。第二日起身，塊面都冇出油。比起上面嘅保濕面膜，我個人比較喜歡下半part。 保濕度：★★★★★ 貼服度：★★★★★ 精華量：★★★★ 清爽度：★★★★★ 即時亮白效果：★★★ 我的美麗日記大馬士革玫瑰面膜 冇錯！又系我的美麗日記，因為之前試過佢地嘅面膜發覺紙質好好就喪買左好多款佢地嘅面膜，呢個就主打高效補水、白皙柔嫩，紙質唔多講啦，之前嘅幾款講過，次次講就冇意思啦。。佢補水功能真係好得，因為敷上面佢系有吉吉地嘅感覺，直接泵水落皮膚。而且敷完皮膚系有明亮感的，美麗日記嘅面膜都好清爽我用完都唔洗去過水。 保濕度：★★★★ 貼服度：★★★★★ 精華量：★★★★ 清爽度：★★★★★ 即時亮白效果：★★★★ 我的美麗日記蘋果多酚面膜 主打緊實毛孔亮顏清透，我聽好多人話佢嘅蘋果味好好聞先買，但係打開發覺只系好淡好淡嘅蘋果加面膜味，其實佢就唔系主打保濕，所以敷完我自己感覺保濕力還可以啦，但係佢可以令我皮膚變得好滑溜而且肌膚呈現透明感，好靚~~~緊緻毛孔小小啦，但係效果系唔持久嘅，第二朝毛孔又大翻。。。而且佢入邊有檸檬萃取，所以有輕微煥膚去除老廢角質嘅效果，所以大家就唔好系做完深層清潔用啦！ 保濕度：★★★ 貼服度：★★★★★ 精華量：★★★★ 清爽度：★★★★★ 即時亮白效果：★★★ b.liv absolute matte mask（oil control） 這個面膜系黑面膜，但係佢唔系好似sexylook咁系純棉嘅，佢純粹系一塊普通面膜紙但係佢系黑色。。。所以柔軟度還可以啦，但都貼面嘅可以放心。而且敷上面冰冰涼涼好舒服，夏天用簡直一流。佢嘅冰涼感比simply嘅強勁一點點，佢敷完就冇乜保濕感，反而真係感覺到控油，因為撕掉面膜按摩埋剩翻嘅精華，會發覺皮膚有d繃緊。。。明亮感唔系好覺啦。 保濕度：★★ 貼服度：★★★★★ 精華量：★★★ 清爽度：★★★★★ 即時亮白效果：★★ leaders mediu amino moisture mask 之前系見好多人推話呢款面膜好保濕啊好貼面啊。。。所以見佢價錢都算合理一口氣買左幾盒翻黎。。。打開面膜發現都係纖維紙，其實宜家好多韓國面膜都採用纖維紙架啦，唔會好似以前紙質硬又唔貼面，佢嘅香料味系我接受範圍入邊，因為我自己好唔中意好假嘅香料味或好重香味，佢系一種清淡嘅花香味？聞落好舒服。有d韓國面膜對於我混油黎講，夏天用真係唔太適合，佢就系其中一款。。。因為面膜精華偏向厚身，所以我用完都要過水，但係過完水摸翻自己皮膚系真係覺得飲飽水，漲卜卜。 保濕度：★★★★ 貼服度：★★★★★ 精華量：★★★ 清爽度：★★ 即時亮白效果：★★★ ▼以上分享純屬個人分享/感受，效果會因人而異，如需協助或獲得更多產品咨詢，請直接與該品牌或尋找相關專業意見，以免浪費金錢。 CONTACT ME EMAIL: iamlittlemaxxi@gmail.com Blog links : http://blog.she.com/max1123/ http://hellomax.theztyle.com http:///?179063 http://beauty.qooza.hk/u/MAXxi/shares http://www.beautyexchange.com.hk/blog/Max.k http://blogs.elle.com.hk/Max1123/ Facebook page：https://www.facebook.com/Max.k1123/
