又到每月必有的環節,就是片狀面膜用後感分享啦!這次好久都沒有分享了,所以堆了好多好多的面膜跟大家分享,面膜有很多款,最重要知道自己膚質選擇適合的面膜及因應季節選擇功能性的面膜。 1.廣源良絲瓜水面膜 會一直回購,詳細review可以睇翻之前面膜review。 保濕度:★★★★ 貼服度:★★★★ 精華量:★★★ 清爽度:★★★★★ 即時亮白效果:★★ 2.pure smile white rose mask 之前用過佢嘅蝸牛面膜,系我嘅favorite,但係宜家穩唔到有得賣(傷心ing)佢都係平靚正,但係精華就有d少得18ml,面膜偏細質地軟熟,敷完膚色有提亮,精神左。 保濕度:★★★ 貼服度:★★★★ 精華量:★ 清爽度:★★★★ 即時亮白效果:★★★ 3.我的美麗日記 花椰菜面膜 試過好多美麗日記嘅面膜,花椰菜第一次買黎試,好驚喜喔!佢嘅味道好似d好新鮮好清新嘅蔬果味,好鬼中意。不過呢個系以前未升級嘅舊款,面膜紙系木漿紙,但係都出奇好用,保濕做的好好,皮膚有飲飽水的感覺,中度明亮感。 保濕度:★★★★★ 貼服度:★★★★ 精華量:★★★★★ 清爽度:★★★★★ 即時亮白效果:★★★★ 4.AM豬頭妹 阿里山綠茶面膜 包裝可愛不多講,佢打開好普通嘅面膜一貫的味道,冇綠茶味。(事關佢地嘅水蜜桃真係有水蜜桃香味)佢紙質系d天絲紙質,薄以及貼服,精華同美麗日記一樣多到噴出黎,但係唔會滴水。基本上豬頭妹嘅面膜都係保濕為主,佢包裝上講嘅功能我自己冇太大感覺,隨便買一款用都系好用架啦! 保濕度:★★★★★ 貼服度:★★★★★ 精華量:★★★★★ 清爽度:★★★★★ 即時亮白效果:★★ 5.JAYJUN cosmetic refine to shine 另一款好紅嘅水光針面膜,佢系分三個steps,cleanser幾好用,精華方面系啫喱狀,好聞易吸收,面膜系黑面膜所以貼服度都唔錯,敷完其實同一般保濕面膜冇分別,但係會發現皮膚嘅光澤感好重,好靚。 保濕度:★★★★ 貼服度:★★★★★ 精華量:★★ 清爽度:★★★★ 即時亮白效果:★★★★ 6.i❤sasa tinnie 豆乳美白柔滑面膜 面膜精華系乳白色水狀,紙質唔算好靚但係好在都貼面,敷完覺得皮膚好滋潤,我會擺系冬天用。佢主打美白,我就覺得不太明顯。 保濕度:★★★ 貼服度:★★★★ 精華量:★★★ 清爽度:★★ 即時亮白效果:★★ 7.我的心機竹炭+礦岩花淨白雙拉提面膜 佢系一款可以敷埋頸部嘅面膜,面膜紙系彈力布,所以敷上面舒適度都不錯。但面膜精華唔夠多,因為佢紙質都唔算薄但係精華只有30ml,所以敷上面其實好快乾,佢聞落有茶樹味,所以我多數黎m或者爆暗瘡先用,發覺對暗瘡消紅好有幫助,保濕都做的幾好,明亮感就輕微,瘦臉就唔太覺。 保濕度:★★★★ 貼服度:★★★★ 精華量:★ 清爽度:★★★★★ 即時亮白效果:★★★ 8.Annie’s way 羽翼晶鑽頂級面膜 買野送的,佢同之前個玻尿酸系唔同紙質,佢系蠶絲紙所以更貼面。佢成分有玫瑰萃取聞落都有玫瑰味道,一開始我以為都係普通保濕面膜啦,撕掉面膜個剎那,有中度明亮,敷完第二日發現我鼻翼面頰兩邊嘅毛孔收細左,同埋皮膚變得細緻左,皮膚漲卜卜。 保濕度:★★★★★ 貼服度:★★★★★ 精華量:★★★★ 清爽度:★★★★★ 即時亮白效果:★★★★ 9.肌研極潤保濕面膜 去朋友家用的面膜但也是我第一次接觸肌研產品,呢個面膜無色無味,適合不喜歡香料嘅朋友仔,但係佢貌似系有酒精,面膜紙不算薄屬於中等但係都好貼服成塊面都可以照顧到,佢最主要做嘅就係保濕,敷完皮膚的確會水潤左,到第二朝皮膚都系飲飽水嘅狀態,好飽滿,有輕微明亮感啦。質地都好清爽,唔需要過水。下次試埋美白系列。。。 保濕度:★★★★★ 貼服度:★★★★★ 精華量:★★★ 清爽度:★★★★ 即時亮白效果:★★★ ▼以上分享純屬個人分享/感受,效果會因人而異,如需協助或獲得更多產品咨詢,請直接與該品牌或尋找相關專業意見,以免浪費金錢。 CONTACT ME EMAIL: iamlittlemaxxi@gmail.com Blog links : http://blog.she.com/max1123/ http://hellomax.theXXXXX.com http:///?179063 http://beauty.qooza.hk/u/MAXxi/shares http://www.beautyexchange.com.hk/blog/Max.k http://blogs.elle.com.hk/Max1123/ Facebook page:https://www.facebook.com/Max.k1123/