昨日話就出11月2日推出，已經好多朋友TAG我叫我買嚟試！今日收到風話已經有得買，頭先LUNCH就即刻去買嚟試下！ 新口味一定比平時嘅貴，今次都唔例外，隔離嘅其他口味賣緊$5.X，但呢盒就叫價$8.5～～真係搶錢！貴唔緊要，如果好味嘅話。 包裝又係寫住「期間限定」，應該又係好似綠茶味咁賣一陣就無。係咪好心急想知個味得唔得呢？ 打開一聞，傳嚟紫薯味，顏色係淡淡嘅紫色，好似幾堅咁。不過我唔會咁易畀佢呃到，因為味道先係一切。飲落去，真係如我所料，無乜紫薯味，哈哈！（一早就已經睇咗包裝上嘅成分表啦！） 口感稀薄，唔好以為真係奶，呢盒係「紫薯味」「牛奶飲品」而已，唔係紫薯奶，亦都唔係紫薯味牛奶……主要成分係水同人工紫薯味！ 真正嘅味道係，甜甜哋，口感係稀釋咗嘅牛奶……不過因為聞到有紫薯味，所以飲嘅時候就會覺得似紫薯味囉。 結論：試唔試都得，不過試，就搵間賣得平啲先好試！ 我喺地鐵站內7仔買嘅，但網上有人就話買到$9.2/2盒！價錢相差很遠，如果想試，就搵間平啲先買嚟試啦！ 搵食點：7仔等便利店同超市 代價：$8.5 ======================================================== 想第一時間知道更多搵食好去處，就一定唔可以錯過Facebook Page上面嘅最新 Updates喇！你仲唔快啲Like？ Facebook Page Instagram Website: http://bit.ly/1QYFQCN *Contact Me: mavis.eatndine@gmail.com
