KFC最近成日出新嘢，近排又翻兜上年出過嘅「雙層雞扒軍艦」，不過就新增田園風味。我去年食過個軍艦，所以今次無試。相反，我今朝早餐就買咗個新口味鬆餅嚟試，就係「綠茶鬆餅」喇！ 綠茶味喎，一定係青BB啦～果然冇估錯。一落去order，店員就好快咁將一個青BB嘅鬆餅入袋。返公司嘅路上，我都摸到個鬆餅係熱熱哋嘅。 返到公司，打開佢，嘩，真係綠色架。不過都算綠得自然，形狀大小同平時食開嘅鬆餅差唔多。外面「靈靈哋」，我估係加咗蜜糖。 唔知味道又點呢？鬆餅外層脆脆哋，中間係軟稔，濕濕哋，唔係平時嗰啲食到人哋會「咳」嘅鬆餅。有無綠茶味？聞到有啲，但食落就好似唔多覺有綠茶味，可能有淡淡哋嘅，不過被蜜糖味蓋過了。值得一讚嘅係個口感，外脆內軟，熱得嚟又唔會燙嘴。 結論：試下無妨！ 搵食點：KFC 代價：$8 ============================================================ 想第一時間知道更多搵食好去處，就一定唔可以錯過Facebook Page上面嘅最新 Updates喇！你仲唔快啲Like？ Facebook Page Instagram Website: http://bit.ly/1QYFQCN *Contact Me: mavis.eatndine@gmail.com
