昨日LUNCH之後行超市,見到蛋糕櫃有個綠色嘅物體,女人嘅直覺話我知,一定係同抹茶有關。行埋去一睇,果然無估錯!又有新嘢試喇!不過呢個係「綠茶撻」,唔係「抹茶撻」! 以為佢係純綠茶撻,其實係綠茶蛋撻。 撻唔係新鮮出爐,所以冇咩香氣,而且係凍嘅。不過,大家最關心嘅,一定係佢有無綠茶味。 撻皮係牛油曲奇皮,幾脆,唔係稔嘅。青BB嘅蛋撻餡食落幾挺身同滑,甜甜哋,有蛋味,以蛋撻嚟講,都算唔錯。至於綠茶味就淡咗啲,其實唔係好覺有,蛋味相對重過茶味~ 結論:可以一試! 搵食點:Great 搵食方向:金鐘太古廣場二期地庫 代價:$8 ============================================================ 想第一時間知道更多搵食好去處,就一定唔可以錯過Facebook Page上面嘅最新 Updates喇!你仲唔快啲Like? Facebook Page Instagram Website: http://bit.ly/1QYFQCN *Contact Me: mavis.eatndine@gmail.com