前晚行7仔想買雪糕食,心水雪糕就未搵到,但就畀眼利嘅我發現呢個牌子嘅雪米糍出咗新口味!嘩!又係青BB嘅嘢食,抹茶控一定好開心啦! 新包裝幾靚,天氣咁熱,拎到返屋企咩凍都解完啦,即食! 打開裡面,真係綠色架,外面同平時一樣有啲粉。 啲皮勁薄喎,好似比之前薄咗;食落去,又幾軟。 中間啲雪糕好滑,綠茶味呢,就……似乎就係牛奶味太濃,綠茶味就唔多出位喇~要食多幾啖,慢慢搵下先會食得到喎~ 價錢方面,雖然唔可以同其他口味嘅雪米糍夾埋2包嘅優惠,但本身已經有特價,賣到$8.2!想試下或過口癮嘅話,就快啲去買嚟試下啦! 搵食點:7-Eleven 搵食方向:梗有一間喺左近 代價:$8.2 ============================================================ 想第一時間知道更多搵食好去處,就一定唔可以錯過Facebook Page上面嘅最新 Updates喇!你仲唔快啲Like? Facebook Page Instagram Website: http://bit.ly/1QYFQCN *Contact Me: mavis.eatndine@gmail.com