疫情期間大家都唯有係香港搵地方玩,但係香港咁細🤔,疫情咁長時間咩地方都去晒啦~情侶想去約會都無地方可以去😫~咁唯有...搵d野做下啦!😜坊間都開左唔少工作坊比大家選擇,有野做下又可以制造回憶,啱晒情侶玩啦!所以同樣無野做嘅我地今次參加左霓虹燈工作坊,我地揀左最平個plan係每人一個單色2米長嘅線,無底板,2小時,$300/人。💡咁去之前都建議大家可以諗定想整嘅圖案或者字體係點,因為去到工作坊果度就無咁多時間比你諗。我地去嘅工作坊唔係純整霓虹燈,仲有其他花藝等等可以整,所以當日亦都有其他人係來整花,咁無論係整霓虹燈定係花藝都係由同一個staff去教我地嘅,staff好友善不過工作坊感覺比較亂同埋無人清潔😰,呢樣就有少少扣分。 ☆°.﹒☆°.﹒ ☆°.﹒ ☆°.﹒ ☆°.﹒ ☆°.﹒☆°.﹒☆°.﹒ ☆°.﹒ ☆°.﹒ ☆°.﹒咁講返整霓虹燈嘅過程先!首先佢叫我地每人揀一隻色嘅線,跟住比左我地每人一張A4白紙、一支鉛筆、一個膠紙座同埋一個鉗,就叫我地係白紙上先畫上要整嘅圖案或字(要一筆過可以連住畫),咁我果個係純英文字「Sweet Home」,佢就用S去示範一次比我地睇要點做,咁之後就由我地自己繼續,有問題再搵佢,而期間佢亦會幫我地影一啲過程相📸。整完成個圖案之後就用魚線固定某d位置,咁就完成啦! 當整完之後工作坊都會有個帳篷仔嘅地方比我地影相,影出來都幾靚,最後仲會有個電花盒送埋比我地拎走。 ☆°.﹒☆°.﹒ ☆°.﹒ ☆°.﹒ ☆°.﹒ ☆°.﹒☆°.﹒☆°.﹒ ☆°.﹒ ☆°.﹒ ☆°.﹒概括:可一不可再😂1.我同男朋友都覺得整呢個燈要用好大力去扭條線,所以手指都好痛,又無咩樂趣可言😅2.係屋企都可以自己做到,因為材料其實好簡單,過程都係自己做為主,例如一開始個圖案要點樣一筆過連起身呢d都係自己諗,staff主要係教我地整嘅時候要留意返光果邊係要向上,同埋每次條線要轉彎就可以用鉗夾一夾再扭會容易d同靚d,所以基本上教學上嘅野其實唔多。3.拎左返屋企著燈嘅時候發現好大嘅高頻聲一直響,原來係工作坊一直插usb就無聲所以無問題,而用電花盒就會好嘈,最後令到我地都無再開過燈。📌所以總括來講,價錢太貴,唔值呢個價,而且又無咩樂趣,男朋友話$600拎去食野好過😂當然啦,呢個只係我地一次體驗,唔代表大家都係咁,所有野都係要親身試過先知,可能對於我地來講無樂趣但對於其他人來講係好有趣嘅經歷,呢篇文純粹想分享自己嘅感受,有興趣嘅話大家都可以去體驗下呀!😝