生活係香港，保濕係每日都必須要做嘅護膚步驟，今次分享嘅主要都係針對補濕同保濕功效嘅本土品牌Factiv兩款精華同一款清爽型乳液。📌本人皮膚狀況：混合性肌膚，T字位易出油，鼻頭有時會甩皮♥HA3+B5精華♥ 30ml $2003% 透明質酸 + Vitamin B5精華 我由今年1月頭開始用，已經用左4個月都未用晒，超抵用！(當然我唔係日日都用，之前好潮濕嘅日子就無用到，同埋自己每個月都會有一次嘅「肌斷食」持續幾日唔用護膚品，所以用得比其他人慢)😝講返正題先，精華嘅質地介乎於水同油之間，感覺上唔會笠但係又會做到滋潤嘅效果，搽上去之後都吸收得好快，亦唔會有擦膠碎，所以我化妝前都會用呢隻精華打底，會貼妝啲。另外佢無添加任何香料，網站上都寫住適合所有膚質使用，而且我自己用落就覺得一年四季都啱用，所以真係性價比超高嘅產品，大推!!!⚡⚡⚡點擊圖片放大 不過雖然佢補濕效果唔錯，可以改善到我甩皮嘅情況，但係冬天嘅時候呢隻精華就唔夠持久，所以我會搭配埋Factiv嘅S100去鎖住水份！S100係咩？即刻睇埋落去啦！補濕💛💛💛💛💛保濕💛💛💛💛清爽💛💛💛💛價錢💛💛💛💛☆°．﹒☆°．﹒ ☆°．﹒ ☆°．﹒ ☆°．﹒ ☆°．﹒☆°．﹒☆°．﹒ ☆°．﹒ ☆°．﹒ ☆°．﹒ ♥S100♥ 30ml $95100% 純植物衍生角鯊烷 S100係全油性精華，因為我冬天會甩皮，所以會用HA3+B5同埋S100兩種精華去keep住水份。雖然佢質地唔算厚，我搽完之後感覺上唔會笠，但係塊面會明顯有一層油包裹住咁，所以冬天我都只係夜晚用，等佢夜晚幫我鎖住水份之後第日起身都已經唔會再乾，咁日頭可以只用HA3+B5就足夠。 而佢唔止鎖水力勁，我用完第二朝起身好驚訝發現毛孔收細左好多，超開心！呢個係意外收穫，因為我見網站上都無寫到有收毛孔呢個功效，所以真係超驚喜💗依家夏天我就唔需要用S100，但係佢嘅鎖水效果真係好好，如果係好乾好乾嘅朋友仔都可以試下日頭唔用，夜晚用，咁就保濕之餘又唔驚比人見到塊面油笠笠啦！價錢方面仲要100蚊唔洗就有支精華，用嘅時候都唔洗就住就住，每次用嘅時候我都會擠多一pump搽埋落頸部添😜補濕💛💛💛保濕💛💛💛💛💛清爽💛💛價錢💛💛💛💛💛☆°．﹒☆°．﹒ ☆°．﹒ ☆°．﹒ ☆°．﹒ ☆°．﹒☆°．﹒☆°．﹒ ☆°．﹒ ☆°．﹒ ☆°．﹒ ♥B-COMPLEX♥ 50ml $2504% Vitamin B3 + Vitamin B5 乳液 自從用過呢兩隻精華之後我就好想試埋Factiv其他產品，所以依家夏天我又買左B-COMPLEX乳液for朝早用。呢隻乳液主要功效係紓緩泛紅、保濕、減少皮膚瑕疵，咁因為我自己本身無泛紅問題所以唔知呢個功效如何，不過我用左一段時間，覺得佢質地比較輕盈，比一般lotion更加水，所以搽上面之後好快吸收，保濕效果都正常，皮膚都比較穩定無咩變化，但減少瑕疵呢樣野就無咩感覺😂 另外佢有一種成份係泛醇，擁有抗氧化功效，幫助抵抗衰老過程，雖然肉眼睇唔到，但掹車邊90後嘅我都希望佢真係幫我抵抗緊衰老啦🙈補濕💛💛💛💛保濕💛💛💛💛清爽💛💛💛💛💛價錢💛💛💛💛💛☆°．﹒☆°．﹒ ☆°．﹒ ☆°．﹒ ☆°．﹒ ☆°．﹒☆°．﹒☆°．﹒ ☆°．﹒ ☆°．﹒ ☆°．﹒ 以上都係我真實嘅用後分享，每個人嘅膚質都唔同，希望大家可以搵到啱自己用嘅護膚品啦！#factiv#HA3+B5#S100#B-Complex
