終於來到我最期待已久嘅一日喇.. 「全球最大的水底餐廳」- 5.8 undersea restaurant 我揀Hurawalhi 嘅其中一個原因，就係可以去呢個水底餐廳啦！ Package所包的膳食只限主餐廳嘅自助餐，海底餐廳要另外收費呀.. 不過，一生人一次，就算要另外俾錢，都要去試下啦！ 水底餐廳有午餐/晚餐供應, 午餐5個菜, 晚餐7個菜！ 價錢分別係 美金225/人 及 280 /人 建議大家午餐去食，一來價錢平啲，二來有陽光照射，睇魚/影相都清楚啲～ 不過就因為太曬, 食食下都有少少熱 ><" 呢個「全球最大的水底餐廳」用咗特製加厚玻璃抗衡水壓， 容許客人可以喺5.8米水深嘅海底同魚群共進午/晚饍.. 一路食飯，身邊一路有魚群游過... 仲要久唔久會有魔鬼魚，或者其他特別品種嘅魚游過.. 感覺好似喺海洋公園嘅水族館隧道內食嘢咁，好正 ！ 佢每一道菜都好精緻，賣相幾靚，味道都不錯 ！ 但係上菜就上得好慢..慢慢食完，又睇下魚，影下相咁～ 唔經唔覺就食咗2個幾鐘，哈哈哈 ! 食咗咁多日自助餐，搵一餐食下 fine dining 都唔錯～ 【島上周邊】 食飽飽～ 當然又係周圍行，影靚相嘅時候啦！ 呢個就係水底餐廳嘅外觀啦， 由沙灘行到橋嘅盡頭，會有樓梯直落去到水底餐廳... 呢度就係sports room同西餐廳入口， sports room有桌球、波子機、乒乓球... 可以去旁邊嘅 bar 嗌杯飲品，一邊玩，一邊飲！ 主島連接水上屋嘅路，好靚，啲海水清到見底.. 原來海真係有唔同嘅藍色，綠色... 我都即刻影下相, 呃下like, 哈哈哈 :) 我望住嗰間屋就係琴日做spa嘅地方喇！
