喺島第二日，天氣終於好返啲～ 食完早餐，就周圍行下影相，去做SPA！ 【Duniye Spa】 呢度SPA係要另外收費！ 不過人人黎到都係想嘆下，所以都幾Full Booking。 建議大家到達Hurawalhi嗰日就打去book定喇～ 至於收費，佢個網有price list: https://www.hurawalhi.com/recreation/duniye-spa-maldives/ 呢個就係Hurawalhi 入面嘅 Duniye Spa 入口喇～ 開始之前，有凍花茶、濕毛巾俾你relax下個人！ 準備好relax 心情，好好享受跟住落黎嘅treatment.. 仲有幾種礦物鹽俾你揀，先選定一款自己鍾意嘅.. 一陣按摩師就會用佢幫你按摩啦～ 我已經急不及待係咁飲，佢啲花茶好好飲! 揀好做咩spa package之後，就有專人帶我地入房～ 話明同老公honeymoon，我地當然揀左【雙人SPA】啦！ 佢嘅couples indulgence都有3款，可以揀兩個人都做同一款.. 或者男士女士都做唔同按摩又得.. 睇下間房，邊做SPA邊望住個海，好正～ 除此之外，不得不提，床頭地板有透明玻璃，係望到水底ga！ 訓低望住個海，又有人幫你按摩， 真係成個人身心靈都完全放鬆晒 :) 快樂時光總係過得特別快，做完SPA之後.. 工作人員同我地走上閣樓，原來別有洞天～ 有張雙人梳化，可以一邊看海，一邊飲茶食餅，好正.. 睇下我地兩個嘅肉腿 ～哈哈！ 嘆完之後，食個lunch 返房抖下，就出海浮潛喇～ 【浮潛】 Hurawalhi有唔同主題嘅浮潛tours， 睇魔鬼魚, 海龜, 夜間浮潛等等.. 租借潛水用品, 報tour 都要逐樣額外收費.. 不過我地嘅honeymoon package包左潛水用品， 所以我地想玩邊個tour只需要去潛水中心報名就得喇～ 潛水中心門口每日都有報告板， 話你知咩時間有咩浮潛tours.. 有興趣的話，只要行入去報名就得！ (錢當然就係你check out埋單就一次過計啦～) 唔好以為浮潛一定要識游水先玩得， 好似我咁，唔識游水都玩得架，只要著救生衣就得啦～ 今次我地玩咗 睇海龜 同埋 夜間浮潛！ 成個tour嘅參加者一齊搭船出到海中心，之後就要跳落水... 其實我初時都好驚，不過落到海，喺海中心浮下浮下， 同埋，當你見到一大堆魚、海龜喺你面前經過， 你就覺得一切都值得！ 我地好好彩，仲見到龍蝦、魔鬼魚、海星... 真係好好玩，超難忘，十分推薦俾大家，記得一定要玩呀～ 夜間浮潛又係另一種體驗，雖然落到海好凍.. 不過我地拎住電筒，望落海底， 見到啲魚黑媽媽喺自己身旁游過..感覺好得意！ 依家睇返Gopro拍嘅片都好難忘，好想再去玩呢 :)
