第二朝，天氣好好!! 食完早餐，就有專車車我地去返機場旁邊，搭水上飛機... 呢個就係馬累機場啦~ 因為唔係國際機場，所以冇咩行，好細，仲要 "冇.冷.氣" !!! 只有不同counter 接送旅客 (有d似去長洲一出碼頭嘅渡假屋counters咁) 人人去得馬累，都係入島玩.. 入島方式可分為兩種：【快艇】 或【水上飛機】 搭咩交通工具，就視乎每個島離馬累市中心有幾遠啦! 人一世物一世，當然試下搭水上飛機啦! 哈哈哈～ 途經快艇碼頭，影張相先 :) 搭水上飛機之前，要拎埋行李去counter check in先.. 搞掂晒d手續之後，因為未有機，可以去Hurawalhi 嘅專屬休息lounge坐下～ 【Hurawalhi Lounge】 其實每間resort/集團都會有【專屬休息室】，俾客人等船/飛機前休息一下。 通常package都會包埋，休息室內有飲品、小食、免費wifi、叉電、雜誌等等... 呢個就係Hurawalhi 嘅lounge 喇! 都幾靚幾新淨，仲有長梳化，可以俾客人攤抖下。 (p.s. 可能Hurawalhi 始終算較新嘅resort，所以個 lounge 真心唔錯 !! 我有朋友去過其他resort嘅lounge，好細，話坐得好唔舒服呢!) 等到差不多夠鐘，去返水上飛機碼頭，終於見到飛機啦~ 成架機又係"冇.冷.氣"，坐最前可以直接見到機師位... 整架飛機大約可以坐到10個人左右。 由碼頭去Hurawalhi ，大約要坐40分鐘飛機。 由機上望落去，每個島都好靚，可以清楚見到唔同resorts。 不得不提，去Hurawalhi 要先坐水上飛機，再轉快艇... 唔好睇啲相以為好好天，差不多到Hurawalhi嘅時候，我地遇上狂風暴雨 (真黑仔 = =") 當大風之下，水上飛機停泊喺海中心， 只有一塊木板，俾你行上快艇，其實嗰刻我同老公都好驚自己會被吹走>.<" (仲要水上飛機入面其實好焗，我身邊嗰位人兄已經頭暈暈～暈飛機浪，哈！) 成個情境真係好難忘～我要揹住D行李踩木板轉快艇... 結果成個相機蓋仲被風吹左落海，搵都搵唔返，嗚嗚 =( 【Hurawalhi 房間】 幾經辛苦，終於到達啦 !!!! 由於係honeymoon package，一入房床已經佈置好，茶几上仲有香檳 床對出露台，有私家大泳池!!! 每朝早一開眼就見到咁靚嘅海景，正呀!! 泳池邊有樓梯行落海。不過，海底有石同珊瑚，建議最好著蛙鞋先好行落水。 洗手間淋浴區好大，打開門就係露台，可以望住個海沖涼!! 爽!!! 第一日落雨冇咩玩，都係hea下同去食晚餐buffet.. 聽日先出發去玩浮潛同做spa :)
