香港麗思卡爾頓酒店- The Ritz-Carlton, Hong Kong超離地體驗～ 幾乎冇嘢可以挑剔😆由踏入RC 第一步已經感受到佢地員工對客人個種熱情同專業👍🏻____________首先當然要讚下RC 嘅員工，佢地真係好有禮貌服務好好！有留意到我拎住生日蛋糕，特登問下我係咪慶祝生日，因為我預訂嘅時候係冇落任何remark 嘅。而Staff check in 過程都會同我傾下計，問下我點俾驚喜男朋友etc..... 成個過程真係好舒服，最後仲安排左我upgrade 去corner room同late check out 2pm❤️____________絕對要讚嘅當然係佢個景，睇到維港又睇到南中國海❤️我地都拍左條日落timelapse而corner room 嘅房間絕對比普通房嘅空間大好多，窗邊又有張長梳化，真係影相影成日都唔厭。仲有個最signature 嘅打卡corner位～ budget 冇咁多訂唔到suite,可以考慮訂呢間corner room都同樣有個一樣嘅角位俾你打卡架！____________Pros✅圓方上蓋～上上落落都唔洗岀室外！ 而圓方都有好好餐廳選擇！！✅超離地靚海景，天氣好嘅話個景真係靚到無得頂！！係我地入住前幾日天氣都一般....我擔心左成個星期，但好彩入住當日岀哂太陽架😆✅check out 只要放低房卡係房間書枱就可以～好方便✅有smart tv, YouTube &Netflix 🍿✅隔音好好！！✅窗邊& 床尾都有小梳化 ✅有個橢圓浴缸， 唔算大，勉勉強強浸到兩個人la~✅廁所成個Design 都好Grand ✅有提供turn down service❤️✅用品好齊全～浴鹽，漱口水都有提供✅提供防疫包👍🏻4樽水～ 其他mini bar 嘅野就要收費～____________Cons❎可能太忙，執房有啲甩漏～浴室去水位上面塊板整完無裝返好 ❎如果想食宵夜，選擇都比較少～ 多數都要foodpanda.❎長身房型 電視無奈放得太遠～❎有樣嘢要注意，住角房係會見到其他角房嘅角位😂我地個日住115樓都算好高，一望落去間間角位都有人打緊卡～所以如果驚嘅話要記得拉翻窗簾啦，因為真係望得好清楚。___________房間:Grand Victoria Harbour View Room價錢:$3xxx, 包早餐（預訂deluxe harbour view room 後被upgrade 至corner room)___________評分：10/10____________地址:香港麗思卡爾頓酒店 - The Ritz-Carlton, Hong Kong香港尖沙咀柯士甸道西1號環球貿易廣場點擊圖片放大 +6
