記錄：入坑一年半，有血有汗有笑有眼淚我記得自己第一次跳 K-Pop，係因為太鍾意 BLACKPINK，同埋成日喺 IG 見到人跳 cover 覺得好勁好靚，於是決定試吓。但講真，頭幾堂真係「迷茫中跳舞」——睇唔明、記唔住、郁唔掂。但好彩當初揀嘅舞蹈班夠友善、老師肯教，班上啲同學又唔會有壓力，先至有動力堅持到今日。點樣揀到啱自己嘅 K-Pop 舞蹈班？💡1. 試堂試氣氛最重要我一開始都有試過踩雷，報咗啲課，老師跳得超勁，但教學唔清楚，節奏又快，根本唔理你跟唔跟到。我記得有一堂，我淨係站喺後面，成堂只係學識咗一個八拍，超沮喪。之後我轉咗去另一間舞室，老師跳得冇咁誇張，但會慢慢拆招、會畀時間重覆練習，又會點名表揚努力嘅人，氣氛舒服咗，信心都返嚟。💡2. 睇班底 vs 純教舞班有啲班係有固定班底，大家一齊上幾個月練幾支舞，感覺會好似團隊，氣氛穩定，適合想長期學嘅人。我自己最初係報 drop-in 單堂班，之後慢慢轉 join 固定班底，因為可以練舞練得深啲，又會拍 cover，仲會一齊出去跳街拍 MV，真係會有種「我都係 dancer」嘅滿足感。💡3. 初學者一定要避開「高階速成班」！一開始唔識睇堂介紹，以為寫住「K-Pop 舞」就適合自己，結果中咗好多高階堂，老師一句「你哋應該都識呢支啦，我哋直接 break down！」然後我就完全跟唔到。後尾我學醒咗，要搵啲標明「Beginner / 初學」嘅班，而且寫明會慢慢教動作。依啲先啱新手，真心講。學咗咁耐，我覺得最有用嘅幾個重點：✅唔怕慢，最緊要有基本功（站姿＋控制）我以前會急住學成首舞，但成日跳得唔穩。後來聽老師講，K-Pop 雖然好似花巧，但其實最靚係控制力。練下盤穩定、郁動乾淨、有收放，成支舞就會突然靚好多！✅成日錄片睇自己＝最真實學習方法跳完覺得自己好勁，一錄低返睇就知自己跳得幾亂、幾飄。呢個方法好有效，雖然最初睇會想刪晒啲片🤣，但真係會進步得快。✅同人一齊跳，好過自己喺屋企練我試過係屋企睇 YouTube 學舞，跳三分鐘就攰、分心、放棄。喺班入面跳就唔同，有氣氛、有老師提點，練得起勁好多。如果你都想學 K-Pop，我會建議：唔好太快放棄，頭幾堂跳唔識係正常試幾間舞室，揀最啱自己節奏同風格嗰間唔好比自己同偶像比，跳舞最緊要開心！跳舞唔會即刻變靚、變勁，但每次學識一個新動作、記到成支舞、或者錄到一條唔錯嘅 cover，個人真係會有自信返晒嚟✨有時跳舞跳到出汗、心跳加速，嗰一刻真係覺得：「自己冇白努力。」如果你都想跳 K-Pop，但唔知點揀K-Pop跳舞班，可以問我呀～我踩過雷，有經驗，可以畀啲貼地建議你🩷💃🏻
