最近成日北上食好西，發現大陸果然樣樣平。香港好似都多咗好多人上去整牙，但我有時會覺得咁平穩唔穩陣呢？上網做咗輪功課，搵咗間貴其他少少嘅自有光牙科診所，感覺有保障啲。雖然診所開喺羅湖關口附近，新聞透視有講原來係香港人開嘅，醫院開喺深圳，香港都有諮詢站。 當時諗住book到咩日子，就邊日去深圳玩。但深圳同香港好唔同，記得有啲診所連洗牙都要早2-3個月，呢度最快即日都可以上去檢查，但為免有太多人等，我就揀咗平日去喇。初時揀深圳睇牙，原因都係見個個話性價比高，比香港平一半有多。我book自有光前都喺官網睇過價錢先決定，所有service都清楚list好，方便格價。去到診所見到價錢同網上大致一樣，今次洗牙用咗人仔180蚊。Reception姐姐都話所有服務都係接受先免費檢查報價，決定做先收錢。 環境好新淨、幾光猛，呢日都有啲人排隊。見過網上評價講等候時間好長，不過今日登記完等咗5分鐘左右就入得，可能請多咗牙醫坐鎮啦。 香港洗牙多數要$500-600，洗牙都係10幾分鐘左右就完。但今次洗牙人仔100幾就有交易，牙醫同姑娘都幾有禮貌，仲有識廣東話嘅員工對答。洗牙嘅護理員手勢都好好，夠熟手。前後洗咗半個鐘有多，仲幫手做埋拋光。 去現場其實仲可以做埋免費scan，睇下排牙有無問題，聽完牙醫講再睇下有無需要做其他服務。醫生話我啲牙幾健康，所以今次就咁洗牙就得。下次touchwood有需要整牙，都會優先揀返呢度。
