忙碌定係忘記 , 有心自然記得 竟然突然有offer 其實我從來無期望邊間酒店 只知道自己想做邊個Post 無啦啦有電話真係超開心 以為自己係羅底橙 無人揀 自己知自己事 所以平常心係好既 初初有啲驚第一個電話只係問我資料 點知再打電話黎約Interview 雖然準備時間好少 但係今日整體都幾好 見完個心情靚靚^^ 近排好忙 無一個人唔忙 全部野好似一齊黎咁 連份工做到幾時resign都未諗好 ~ 最後一秒先黎擔心 對於我黎講其實好事 到真係要努力 我真係會去努力 到真係要面對 我先慢慢去擔心 咁樣個人無咁負面 番學成日聽到呢個驚果個又愁緊啲乜 我心諗洗唔洗咁快驚 諗極都諗唔到結論咖啦 因為都未發生-.- 最幣係佢地會周圍發表偉大言論 對於我呢啲咁隨便既人 唔會理解到你驚乜春.. 最緊要唔好影響到人地囉 一再提醒人地關於你既擔心 ~我最多關心你兩句 但都依然覺得你多x餘 講咁多不如好好準備= = 依家既我愈黎愈少同人呻 我無野好呻 好多野都可能靠自己 去諗通去解決 人地幫得你幾多 或者人地根本唔理解你苦惱乜野 通常都隔勁耐先會咁岩提起啲心事 最後輕輕鬆鬆咁樣同人講 我已經無事 搞掂啦^_^ 原來我個人都幾壓抑 都幾忍得 只會突然向朋友彈幾句 我從來無表露既情緒 但好快 我又完全無事咁 唔係扮 我真係可以下一秒無晒事
