來「Sake Man」當然揾好鐘意飲酒嘅朋友仔一齊飲啦😁餐廳主打Sake Pairing Omakase 🍶在場有唎酒師細心挑選不同產區清酒及介紹配上不同美食😋 🔹️ 開 胃 菜 沖繩縣水雲·螢光魷魚水雲面上加了山藥蓉，配上佢地自家製酸汁，口感酸酸甜甜好清新又開胃。 🔹️先 付 「作 IMPRESSION」純米吟釀無濾過原酒，先喝一啖純米吟釀原酒，清爽順喉「魚子醬·伴潮味豆腐」用蛋型擺盤賣相一流🤩面上有海膽粉、烏魚子粉、魚子醬、銀箔、連底部豆腐一齊食；口感相當滑溜，再喝多口純米吟釀原酒，味道會再濃一些，真係岩哂做開胃酒。 🔹️海の幸x新星魅力 「鏡山·千秋龍脈·純米大吟醸」「煎酒平目·醉心赤貝」平目魚點上佢自家製既煎酒，將鮮魚味更加突出，呢種純米大吟醸，味道似水晶梨，而赤貝搭配面頭既青蘋果蓉，熟成蘋果香味，好夾海鮮。 🔹️森の惠x古風經典 「天之戶·吟泉·純米」入口豐富米香味，順滑細膩「蟹肉飛龍頭」用蟹肉、豆腐、甘荀絲、黑木耳炸過既素球，底部再用埋蟹整成既高湯，成個鮮味層次配搭清酒係更加豐富🤤哩款酒同蟹肉鮮味係好夾🦀 🔹️ 時の選x旬節限定 「仁井田·自然酒·樽熟成純米」呢隻清酒無落任何農藥，屬於天然水性質，用天然酵母製成，所以飲落有陣陣杉木香，相當吸引。「藁草燻鰹魚」呢隻用藁草燻鰹魚屬於初鰹之既魚腩位置，面頭用上蔥蓉，日本薑之一既蘘荷做配搭；吃落完全唔腥，鮮味柔嫩。 🔹️大地の恩x旨味縈繞 「大湖·SAKE MAN·純米酒」呢隻屬於自家label，入口較之前既相對濃味，配搭黎緊既牛筋好夾「海老芋牛筋煮」用左18小時熬煮，牛筋口感非常軟腍，里芋亦吸收醬汁既精華，濃而不油膩🤤真係超級好食 🔹️食材へ敬意x工藝仕込 「超王祿·本生·純米」無濾過生原酒，香草味入口甘甜，之後慢慢會變成殼物味，配搭和牛係最好不過的🦬「和牛香味燒」用上宮崎A4和牛，唎酒師建議金山寺麵豉食起先、跟住到薯仔洋蔥沙律、蒜茄、wasabi；一層層上，油香味會更加突出🤤和牛非常軟嫩入口即溶化 🔹️ 一汁三菜×熱燗一獻 「北鹿·生酛·本醸造」有三種不同温度sake🤩首先用凍sake將黎緊素麺吊出磯煮鮑魚鮮味。1.「鮑魚素麺」鮑魚鮮味十足，是慢煮4小時非常腍又彈牙，要點多些海膽汁配搭海膽鬆、海膽汁鮮味，麵條好彈牙。 2.「鯛糯米飯」配搭常溫sake一齊食，竹葉包住既糯米飯吸收哂鯛魚既鮮味，面頭既金箔令賣相更加精緻，黑豆帶有甜味，幾好食🤩金鉑黑豆是寓意祝福。 3.「豚角煮·鼈清湯」最後以熱sake，配搭山芋蓉、紅椒絲、有馬山椒醬汁；連埋水魚湯一齊上，整體口感到位。飲完咁多杯sake，要飲番個湯暖吓個胃☺️ 🔹️ 甘の福x甘醴沈潜 「悠久之古梅酒·2003大吟醸仕込」哩個梅酒以水果為甜味，最啱女仕們，一飲立即上。「水信玄甘味杯」去到最後甜品🍧以水信玄餅做底，食落有少少似冰粉，又似果凍，好清涼爽彈😋配搭檸檬汁、芒果汁、杏仁、芝麻、火龍果粒、花生、提子乾，吃落夠哂Fresh😋食到一半可以倒入梅酒再吃埋剩餘果肉 總括食材高質，環境乾淨舒適，哩晚係好好嘅體驗😍一定會再來👍👍📮Sake Man 地址：銅鑼灣駱克道487-489號駱克駅19樓#香港美食 #銅鑼灣美食 #餐廳推薦 #日本清酒#大吟釀 #omakase #Sake Pairing Omakase#Sake #hkfood #hkfoodie#hkfoodblogger #hkkol#foodlover #foodmap #foodphotography#lovefood #hkrestaurant#instagood #hkgirls #hkinfluencer #foodshare#MargieFoodMap#Happymargielife⭐⭐⭐⭐⭐⭐⭐⭐⭐⭐Pls follow🎖IGhttps://www.instagram.com/immargie_musicFB pagehttps://www.facebook.com/HappyMargie-開心音樂-生活點滴-110968227756591/Blog https://blog.ulifestyle.com.hk/margielife⭐⭐⭐⭐⭐⭐⭐⭐⭐⭐
