是咁的,小弟我之前都聽過迷你倉幾好用。你知啦,有排電視廣告日日洗腦咁播嘛。話說小弟屋企間房又唔夠位擺曬啲嘢出嚟,間中都要借左個廳既位放嘢 (珍藏模型梗係放係房自己欣賞啦),結果日日被老母話我啲嘢阻住佢。唉,又唔捨得就咁抌走曬佢哋,但又唔想日日被人話,最後決定揀咗間就腳既迷你倉放晒啲嘢入去就算——然後就中伏喇,勸諭大家揾倉記得睇得認真啲,同大家分享下我嘅租倉中伏記,大家就唔好再去踩伏啦!第一次中伏同個迷你倉環境有關,本來我打算話間倉叫近又網上見到個倉夠大擺得到啲嘢就直接book左啦,點知去到之後發現原來個網頁面積計算係用建築面積表示,到倉之後先知道唔夠位擺低曬啲野,如果擺唔曬全部嘢,咁我租嚟都冇意思啦...如果keep住用同一間迷你倉就只能夠焗住租啲大倉,之不過貴唔少,超曬budget,咁咪再去揾過另一間啦。之後就注意住個實用面積去揾倉啦,然後就租咗個大小啱啱好嘅倉,本來都幾滿意,點知又中伏,因爲一開始就話每月交租,咁我覺得都ok丫可以用service先交,之後就嚟料啦,租緊第四個月就話要加租,咁一開始的確又冇話會一路keep住同一個價錢,只不過有一次就有第二次,加吓加吓已經同之前個價出入好大,咁樣搞法唔通繼續做水魚咩,咁我咪又再揾過囉。卒之就俾我揾到一間好倉,而家租左兩年都仲keep住租緊,咁我就中伏中出經驗啦,同大家講講要留意嘅中伏位:面積頭先講過啦,記得要睇實用面積,唔好齋睇建築面積,最好睇埋個倉嘅高度,啲箱可以叠幾高,最好就親身去睇完個倉先決定租唔租。租金簽約前檢查份約有冇提及之後加租安排,同時都要留意會唔會有額外費用,例如登記費、搬運費等等,都要check埋係咪自動續約,保障自己。環境記得記得要檢查個迷你倉係咪合符消防法例嘅要求,呢樣關乎到安全性問題,如果唔合規你哋識做啦!其次就係個環境衛生掂唔掂,尤其係而家疫情咁嚴重,加上啲嘢擺嗰度咁耐,都係企理啲好。大集團啲倉就多人介紹過啦,我就推介吓啲小眾啲嘅迷你倉俾你哋睇睇有冇啱用㗎啦!原儲存迷你倉 一睇個樣就知道原儲存優勝個位係咩——個環境真心好靚,裝修偏向文青風啲,而迷你倉又好整潔,而且佢合符消防標準,喺屯門、葵涌、西環、黃竹坑、香港仔都有分店,個位置都叫方便,如果有興趣揾個靚倉收藏自己啲嘢嘅朋友可以了解吓呢個倉。易家迷你倉 易家迷你倉特色在於佢嘅智能保安監察系統,相對安全性都唔錯,租戶只要帶備獲發嘅智能卡就可以全年365日24小時自由出入迷你倉。345迷你倉 呢間迷你倉集中業務喺偏遠地方,葵涌、青衣、屯門、觀塘都有345迷你倉分店,而且不時都會推出新優惠,例如情人節優惠、長租優惠等,大家不妨睇吓個地址同價格係咪理想。希望呢篇blog幫到大家揾到心水好倉,如果你都曾經租過質素好嘅小衆迷你倉,不妨都喺下方留言分享俾其他人!#儲存倉 #迷你倉 #storage #存倉 #租倉 #儲存 #模型儲存 #香港迷你倉 #迷你倉介紹 #ministorage