準備「走佬袋」喺每位新手媽媽唔知點執但又一定要做嘅事，我個時都喺不停拖直至36W5D先去預備 (醫院俾咗開刀期喺37W)，貫徹返「Deadline Fighter」嘅態度。不過早啲準備喺好㗎，起碼少樣嘢煩同埋無咁「騰雞」。坊間上網一搵都有好多走佬袋資料，但我都覺得唔喺最適合，所以決定寫返出嚟！1. 六甲村待產包 呢個份量已經足夠住3日院，而且方便同埋價錢平過散買，入面有：- 安心產褥墊 40 X 70cm - 6片- 超薄產褥墊 13 X 38cm - 12片- 高吸量薄型產墊 13 X 38cm - 20片- 清潔濕棉 - 20包 X 2片- 護理沖洗瓶 350ml - 1個- 孕產低腰免洗棉褲 - 5條基本上住3日院都用唔曬2. 入院衣着因為我準備生嘅時候喺5月份其實都好熱，所以我入院喺T-Shirt + 短褲 + 短襪 (防止住院時入風) + 拖鞋 (方便住院時行走 + 出院可以直接穿)。3. 梳洗用具- 牙膏- 牙刷- 水杯/紙杯*- 即棄洗面巾 (數條)- 梳 (生完啲頭髮唔知點解會打曬kick)- 橡筋（紮頭髮用）- 洗面用兜兜**醫院有提供40度熱水，可以用熱水 + 自己帶樽裝水溝，就可以用嚟刷牙 & 洗面 & 抹身（抹身係因為唔知點解訓個陣會係咁出汗，啲摺位要抹，同埋每日都換衫）。4. 防疫及消毒用品- 消毒濕紙巾*因為生完唔掂得生水，所以我會去完廁所個時用同掂BB前都用消毒濕紙巾消毒左雙手先- 口罩 (數個)- 可食用級消毒濕紙巾由於係醫院個幾日都唔會沖涼，最多用水抹一抹身，而且醫院入面嘅冷氣好似無開過咁，可以熱到出汗，所以如果餵哺母乳就要先清潔一下先啦5. BB用品- 尿片- 濕紙巾（80抽）- Patpat膏- 盒裝手抽紙巾 (2盒)- 洗pat用兜兜 (用濕紙巾好易紅pat所以帶定兜去裝熟水)- 洗pat用棉花（濕水--> 搾乾到唔滴水 --> 抹patpat) *如果唔想帶多樣，可以濕紙巾再濕啲水等佢延展性再高啲- 出院衣著（長袖底衫+長袖夾衣+包巾+帽+手套 -- 就算係夏天佢地都係會凍）基本上一包NB尿片 + 一盒80片濕紙巾都夠3日住院用，而盒裝手抽紙巾就代替左紗巾咁用（餵奶粉），所以數量就要預多，如果餵母乳就唔需要帶咁多盒裝手抽紙巾。6. 其他- 尿袋（充電器）- 耳筒（如果想放鬆一下）- 水奶（好多餵母乳都未必即刻上奶，而BB又喊到拆天，想話拎枝水奶都好似「囈契弟」咁，完全係無助）- 垃圾膠袋 (淘寶好多又平可以一大袋咁買)最後，就係點執袋，我個時就分開2袋去裝，自己野用背囊裝住（而「產婦衛生巾」放最面頭），BB野用環保袋裝住（尿片同濕紙巾要放最出）
