睇返上集 -- 屯門醫院剖腹產（上）2:30pm由於係即日緊急開刀，因此要等到手術室有位先可以排隊去開刀，等待期間會有姐姐過黎幫手剃毛（陰部）3:15pm開始換番件手術紫色袍，紮頭髮（一定要用佢地D橡筋，係平時綁文件黃色個D會痴頭髮的橡筋）+ 頭套 + 着過膝襪 3:22pm上左另外一張床連埋啲家當，準備去手術室啦。去到產房會先將你帶黎的袋鎖係locker，醫院會幫你keep鎖匙，之後就會推埋一邊做檢查：血壓、BB心跳、鹽水等，檢查完等埋手術室ready就入去啦。*期間都會不停問你名、身份證號碼、知唔知做緊咩手術、因為咩原因而去開刀*啲家當最好分開返自己野一袋，BB野一袋，而自己野個袋面頭放產婦衛生巾，方便產後房個姐姐搵同用3:45pn終於入到手術室，即刻好緊張。助產士會先將你移去手術床（我係自己行過去），之後就駁血壓機，量完後就要做一個動作（下巴貼心口+屈對腳上黎+打側身咁訓係到做）比佢地打麻醉針（打係尾龍骨個度），打完會即時覺得對腳好痺，唔係好舒服咁。之後會有助產士係你的膀頭、胸、肚、大脾去噴水，睇下你feel唔feel到凍，當你對腳同肚都feel唔到時就開始手術啦。佢地會用一塊藍色布去遮住左你，基本上你知道佢地做緊乜但就唔會睇到。大約10幾分鐘到就聽到BB喊聲，原來真係會好感動，雖然當刻睇唔到，但聽到都足以令你覺得咩都值得。之後會有助產士同你講番BB幾點出世同幾重，因為係37w出黎，所以兒科醫生都會同場去做檢查，檢查完會比你望下，確認番係男/女，之後就送BB去暖箱暖住先大約等多20分鐘到就縫好傷口，之後就移走個人去另一張床，咁就係手術室的走廊外休息，佢地會有部電話比你打比屋企人報平安，係手機黎（因為我屋企人唔知道就cut左線😅所以我都係等到8點幾返到去自己床位個時先可以報平安），初時對腳都仲係痺唔係好舒服又wing所以都會係咁恰眼訓。等待休養期間，姑娘都有抱BB黎肌膚之親，BB一訓上黎就唔喊，好乖，終於可以好近距離望清楚佢💕比人係走廊掠在一段時間無咩唔舒服+傷口又ok，咁就自己攬住呀B推你出去，準備同產後房交接，全程移床、推都要自己攬實呀B（其實都好危險）。但因為我個傷口有滲血，所以產房就要我留多陣，洗多次傷口，換個塊紗布再加壓力膠帶。搞掂就可以抱呀B出發去產後房啦。 8:30pm去到產後房就會嘗試下飲水，繼續check指標，亦會帶BB比你抱，嘗試餵母乳。但如果唔想餵都可以提出，佢地唔會逼你。10:30pm飲水無問題後就可以試下飲奶（流質產），睇下有無嘔。因為打左子宮收縮藥會令你作嘔作悶頭暈（係縫緊針個時都有一刻想嘔）。見你無嘔就可以拔走粒豆，終於！！！超開心，粒豆勁痛，D手指又腫曬 11:30pm拔走尿候嘗試下去小便，因為我唔識用力，明明有便意都去唔到，最後發現係姿勢嘅問題，只要坐直啲啲就好容易小便到當日盡可能都休息訓下，因為之後嘅日子就唔會有得比你休息，同BB會24小時相處，住左3日醫院，崩潰左3日...*原來生完個肚仲有成5個月係真
