恭喜媽媽懷孕啦！如果你未決定喺公立定私家生，我會建議你兩邊嘅檢查都去，咁兩邊都會有你嘅record啦。不過就算你決定喺公立生都好，我都建議你去私家診所做產前檢查，因為健康院只有胎心機 (聽胎兒心跳) 而無得照超聲波。如果你決定喺私家生，就唔好浪費時間去健康院啦。全港健康院：https://www.fhs.gov.hk/tc_chi/centre_det/maternal/maternal.html咁第一次去健康院有咩要帶呢？1. 懷孕證明 2. 身份證3. 住址證明 4. 小便 (朝早第一篤唔要，第二篤淨喺要中段嘅尿液，可以飲啲水幫助排小便，唔可以飲水以外嘅飲料亦唔可以食嘢，所以建議自己喺屋企留咗先，如果你喺下午時間先睇，可以早上留定小便，下午個陣就可以帶過去，唔好餓親自己呀！) 健康院流程： 1. 去登記處到登記「新症」交以下文件比登記處職員，拎咗個籌就可以喺出面坐低等一等：- 懷孕證明- 身份證- 住址證明2. 去另一間房做以下檢查：- 度高- 磅重- 量血壓- 驗小便3. 見護士- 由於喺新症，所以要拎定身份證核對資料- 如有nifty/T21報告，可以喺呢個時候交比護士- 護士會問關於家人及自己病歷記錄、煙酒習慣、曾經懷孕記錄、情緒方面...，再同你講解懷孕手冊內容 (起碼搞咗成個鐘)- 如需要病假紙就要呢個時候向護士提出，touchwood唔記得咗都可以之後見醫生個時同醫生講4. 見醫生- 護士啱啱問完嘅問題醫生會再針對性地問，以病歷、懷孕情況為主- 醫生會檢查乳房、腹部及聽胎心- 醫生會喺呢個時候比病假紙- 如曾向姑娘講過想要醫生處方的維他命 (materna)，呢嗰時候醫生會比藥單，之後就去普通門診部等攞藥5. 抽血- 攞定身份證核對資料- 抽3枝血 (建議着鬆身衫)，為咗要驗有無乙型肝炎抗體、有無愛滋病/性病等等6. 診症室- 醫生會問下你抽完血有無唔舒服- 再confirm多次你有拎到假紙 (如有)，如果需要轉介去醫院到做覆診會係呢度講聲(由於我曾經試過心律不正，所以健康院就將我嘅case彈去醫院到，但健康院喺唔會幫到我去book醫院個期，變相我要即日親自拎住健康院封轉介信+全部懷孕檢查記錄一併拎去醫院到約期。如果你本身都有病歷，建議你留一日嘅時間去處理。)7. 預約下次覆診時間- 喺登記處到職員會幫你約返下次覆診時間，約4個星期一次- 每次去覆診都記得要帶張卡去
