第一胎真係好多嘢都唔知同唔識，當身邊都無朋友生咗BB時，好多時都只可以問下Google大神。回想返當日知道自己有咗BB嗰時「真的好興奮」，之後就會諗產前檢查有啲咩喺要做？幾時要同公司交代？喺咪要入曬啲媽媽會？等等。即刻話你知下一步應該要做啲咩，唔好學我咁傻豬豬啦！1. 懷孕證明首先要有一張「懷孕證明」，有咗呢張嘢就好辦事啦。上網建議去樓下診所驗孕，拎張有醫生簽名+預產期的「懷孕證明」就ok啦。回想返我個陣懷孕10週仲去樓下診所喺蠢咗，應該直接去私家做產前檢查順便拎懷孕證明，就可以慳返個$2xx，仲可以照埋超聲波添。 2. Book健康院上網搵下自己屋企附近的健康院喺邊間，之後打電話去book期。全港健康院：https://www.fhs.gov.hk/tc_chi/centre_det/maternal/maternal.html有關「第一次去健康院」 文章可以睇呢度： Click Here3. 入各大品牌的媽媽會基本上去健康院會有姐姐喺門口俾form你填入會，但有一啲就要自己入會啦。奶粉同尿片嘅媽媽會一定要入，因為喺差唔多時候就會寄奶粉試用裝 (350g/400g) 同尿片試用裝，咁BB出世後就可以試下邊隻奶粉同尿片夾BB。有關「媽媽會入會」文章可以睇呢度4. 同公司交代我喺懷孕第10週 (基本上我一知道就同公司講) 就已經同公司講我已懷孕 (提供懷孕證明)，由於我嘅工作喺需要體力勞動，所以要先同公司傾下工作範圍，有邊啲唔可以做，有邊啲要請同事幫手做。如果你嘅工作喺需要體力勞動，我會建議你早啲同公司通知，為免做錯一啲動作而影響到BB同埋公司亦可以盡早作出安排；如果你嘅工作喺唔太體力勞動，可以等到懷孕第12週 (滿3個月) 先同公司講。5. 入月份/年份媽媽群組喺Facebook到可以搵到月份或年份whatsapp/signal/telegram群組，不過都以whatsapp居多。入咗其實都好㗎，可以有一班差唔多時間預產嘅媽媽朋友陪伴，我地亦有約出嚟聯誼食飯。無論喺一胎定二胎或以上嘅媽媽，好多男人唔明嘅嘢，大家都可以互相支持或呻下。 6. 培養好懷孕情緒陀B個時會因為荷爾蒙影響而容易大上大落，負面情緒/憤怒亦會影響胎兒成長，所以要努力維持好心情。當然人唔喺神啦，做唔到神可以做到嘅事，唔開心/有負面情緒唔緊要㗎，最緊要身邊人可以支持到你。去到唔同懷孕階段又會有唔同嘅檢查，想知更多就要睇以下呢篇文啦！「階段性懷孕檢查」
