開Sem飯真係不容有失！大家都想食好D，食完承諾今個Sem要努力讀書！雖然個個Sem開始都咁講，之後熱血最多三個禮拜就開始上堂玩電話、走堂返工等等。Anyway, 食餐好嘅事實係會開心D！大家提議去食放題，學生仔尚算負擔得起嘅。其實本人對放題心已死，好耐無食過一餐叫做好嘅放題。全部都係平平無奇，中規中矩咁啦！好啦！有同學提議去尖咀間相撲手日式放題，食6-8時段，埋單位位262！學生有度好，可以揀早放果日食，平啲！ 間放題店都算乾淨企理，上食物好快！一遞紙，轉頭就成枱食物！最令人驚喜嘅係呢度有生蠔食，質素仲要唔算hea! 不過我提出左一個重點，生蠔應該會痴住個蠔殼的，但呢度無痴住....Um.....well....呢啲咁難解釋嘅問題，你自己諗諗！ Well, D生蠔都幾大隻架！ 另一個驚喜係啲甜蝦，好大隻！真心食過咁多間放題，呢度係最大隻架！食得非常興奮！同埋佢唔慳住嚟，真係可以食刺身食飽！仲有，我地一行五人，可能多人關係，佢送咗碟三文魚腩俾我地食呀，真係好好味呀嗚呀！ 超級肥美!! 食物上得好快，剌身唔會慳住俾！ 白拖羅，真係油甘，齒頰留香！ 相撲手係幾有特色的，佢間唔時就會敲鐘，即係話有特色食物推出，我地果晚有烤羊架、雞湯、白拖羅、新鮮三文魚等...味道唔算好出眾，但都幾有特色。果晚仲有個師傅即場表演宰三文魚，第一次見起骨過程，好得意！成餐飯好豐富！好快樂！ 宰三文魚 好似睇表演咁！ 相撲手，雖然令我對放題嘅印象有少少改變！但食到最後，發現個大蝦沙律超唔掂，臭架！好恐佈！無咗個完美句號啦！！ 你看，菜都偽好唔新鮮咁架喇！蝦是臭的！ 甜品除左雀巢杯裝雪糕外，就係一舊叫屎的甜品，不算好味，勝在有玩味！如果佢個醬換成鍊奶，你話好幾多呢！ 呢舊係屎！ 不過點都好，最好唔好支持咁多任食形式嘅餐廳，因為會造成好多嘅浪費，善哉善哉！
