聖誕交換禮物呢個環節一直覺得是一個迷，為何聖誕要交換禮物呢？自己預備一些合適的禮物送給Dear friends不是比求其買一份來交換好嗎？不過要每人預備一份禮物付出的心思和成本都比求其買一份禮物高很多，所以大多數的人選擇交換。 做咗咁多年人，收過唔少頹到喊嘅聖誕禮例如扭計骰、水杯、相架、相簿一千個，終極聖誕廢物係一個同年的月曆！天啊！請問我可以點利用呢個聖誕廢物？當裝飾品對嗎？那人堅稱這是創意！嬲到想絕交從此不是朋友。我想講：下年不如送包米俾我算，仲可以惠及埋我屋企人！自命不是創意非凡，但總得買一些人地會用得著的東東啦！今年買咗條GAP嘅頸巾，男女都戴得，款式簡簡單單，換來一個無印白色保暖水樽，非常開心！因為這是數年來交換得最好的禮物！不過認真，已經好厭倦聖誕交換禮物啦！下年提議搞個聖誕廢物大交換，拎晒你覺得好廢嘅禮物出嚟，玩個以物易物，揀到喜歡禮物之餘，唔使特登買，交換聖誕禮物不如交換聖誕廢物！ 聖誕個個話去食大餐！間間稍為有名嘅食肆都大掛長龍！分分鐘等仲耐過食！有咩謂丫！其實邊個話聖誕要去食聖誕大餐，快D識穿商人嘅技倆啦！鼓吹消費、製造需要，人們為了滿足永無止境嘅慾望，於是跌落購物嘅無底深潭，最後成為只懂賺錢的機器。有時見到個個商場都佈置到美倫美奐，靚是靚，但總覺得好浪費。聖誕節好多餐廳都會肆意加價，食的同平時一樣，可是價錢卻貴百多元，真不值！ 這個聖誕，約了一班好朋友來我家，齊齊整薑餅人。內容就只有整薑餅人和食晚飯，沒有我最討厭的聖誕禮物交換環節、沒有火雞大餐、沒有美酒佳淆，只有愉快的歡笑聲！一人夾$15買材料，就可以快樂一整天了，仲可以整D曲奇餅同其他分享。最後，去深水埗大排檔食餐好嘅！唔使排隊，即叫即整。有時還傳來伙記們的幾聲粗口，大聲笑，大塊食，好開心！全日消費唔使一百蚊。快樂唔係用錢買架！
