（大門口圖片來源：OPEN RICE） 剛過去既星期日(16-3-2014)去左Marco Polo Hotel 6/F既CUCINA同一個好幾年冇見既姊妹HIGH TEA。老實講，我自己就唔係成日會去HIGH TEA個d貴婦黎既，冇幾可~所以就分享下今次HIGH TEA既感覺啦。 由於係我姊妹online book枱，book左3:30PM，但我早左15分鐘到，門口接待個位女接待員好有禮貌咁邀請我坐埋一邊等～但等左陣佢都叫左我入座。一入到去成間野都冇乜人，但個裝修俾人既感覺好高級！ 佢安排左我坐係望到維港海景既位置！ 坐低後佢地即刻就俾左兩杯暖水我，仲擺低左個MENU俾我睇，之後我姊妹黎到，我地就落order啦~原來佢地只有一個TEA SET冇其他野揀，而餐飲亦都只可揀茶同咖啡！咁我就點左個JASMINE TEA！（佢地既侍應大部分都係外國人，所以要用英語點餐架！） 好快個TEA SET就送到黎啦！我地當然係奉行相機食先啦，最重要係我地兩個都要影返幅合照啦！唔知有幾多sis好似我地兩個咁？自從各自投入全職工作之後就冇乜點見過面啦！難得出黎聚一次我地當然無所不談啦！ (未問過姊妹都係唔好POST佢個樣出黎啦 XP) 講下ｄ食物先，睇落個分量唔算多，但賣相一流，仲有個士多啤梨棉花糖！我覺得成個set整體都唔錯！不過特別一讚個chocolate crispy hazelnut bar！因為佢個底係有爆炸糖架！好正！同埋我都幾鍾意食個set既三文治！好好味！ 兩個女孩子最後都食唔晒呢個set~大約5:30PM，佢地就主動要我地埋單。大家記得留意佢地TEA SECTION係3PM-5:30PM！每個SET係$398 + 10% service charge*我覺得呢個價錢有海景又舒適寧靜，食物又唔錯，係姊妹相聚一個不俗之選！ 地址：尖沙咀廣東道3號海港城馬哥孛羅香港酒店6樓 電話：2113 0808 My Blog: BeautyExchange: http://www.beautyexchange.com.hk/blog/Manyeeb Qooza Beauty: http://beauty.qooza.hk/u/ManyeeChiu iTrial: http://itrial.hk/user/chiumanie theZtyle: http://manyee.theztyle.com Ubeauty: https://blog.ulifestyle.com.hk/blogger/manyee/ Lady Qooza: http://blog.qooza.hk/ManyeeChiu
