呢頭先煲完《繼承者們》，個頭又煲埋《來自星星的你》，韓劇對我地既影響真係越黎越深，連帶埋韓妝、韓仔、韓國衣著、髮型都可以入侵我地既生活喇!!OPPA~~~ 言歸正傳*其實今日寫既文章真係好貼題，『不要去羨慕!!!天生擁有韓星的眼……皮*』。See~~是真的!!我真係擁有好多男韓星都有既……內雙眼皮 所以根本就唔需要羨慕!!!哈哈~~加上前個幾篇文章都講過話已經搵到個可以令我有自然雙眼皮既方法，今日就還文喇!! 其實冇咩特別既~~相信好多sis都試範過好多次~~冇錯!!我都係用返網狀雙眼皮貼！不過我既貼法就有少少唔同，我係會將塊貼反方向咁貼~~（我唔知有冇sis都好似我咁貼~~有都唔緊要!!照講!!）原因係我既內雙眼皮唔只內雙咁簡單！仲要加埋浮腫同超!厚!眼!皮!到底點解一個女仔可以有男仔一樣既眼皮架!! 放大D俾大家睇下~真係完全冇雙眼皮痕架~ 開始變妝工程!! 首先拎齊貼網狀雙眼皮貼既小工具 1) 網狀雙眼皮貼 2) 小剪刀 3) 膠水 (圖為D.U.P.552同埋eyetalk) 網狀雙眼皮貼只需要根據返佢原來既形狀剪出黎就得架啦!! 最重要係搣走塊膠片留返塊網 (我身邊有朋友以為係連埋塊膠片一齊痴，仲話難怪痴極都痴唔到…所以都不厭其煩講多次喇) 注意：一般內雙既sis其實照返正常半圓痴法就ok (即係直線個邊向下)，但我因為眼皮太重既關係，正常半圓係撐唔起我既眼皮，就算痴兩塊都起唔到個效果，所以我係將佢倒轉，將直線個邊向上咁痴既!!可見下圖* 將網貼放係手背上，塗滿膠水(圖用左eyetalk膠水) 將半圓個邊痴近係眼皮既位置 望下左邊同右邊既方別 (右邊個條痕…根本唔係雙眼皮痕，不要誤會XP) 好了!!兩邊都痴好了!! 開眼睇下!! 畫埋眼線都搽埋睫毛液先!!得左!!其實今次個雙眼皮唔算十分成功!!! 反而呢張成功啲!!!熟能生巧!!(其實都要睇返當日既狀態，因為水腫的話會連眼皮一齊腫埋*下圖用左D.U.P.552膠水) 對比一下先~差別大唔大呀?? 膠水分享 D.U.P.552：白色乳狀，痴力強，全天都毋需補膠水* Eyetalk：透明狀，冇咁明顯，但痴力較弱，需多次補膠水* 雖然D.U.P.552比Eyetalk較明顯，但肉眼睇都唔算太覺既!!!我最近幾次用親Eyetalk都敏感，眼皮紅腫晒!!所以怕怕啦~都係用返D.U.P.552啦以後*呢枝D.U.P.552係深藍色個枝~我知道該品牌出左三款~淺藍色既我都用過~但都係覺得深藍色呢款無論係痴雙眼皮定假睫毛都勁穩陣* 希望大家會喜歡我既分享喇!!! My Blog: BeautyExchange: http://www.beautyexchange.com.hk/blog/Manyeeb Qooza Beauty: http://beauty.qooza.hk/u/ManyeeChiu Qooza: http://blog.qooza.hk/ManyeeChiu theZtyle: http://manyee.theztyle.com Ubeauty: https://blog.ulifestyle.com.hk/blogger/manyee/
