有冇人同我一樣，有時都幾享受自己一個去旅行，憑着自己嘅能力去踏足新地方，都真係幾有滿足感㗎。為咗搵返久違嘅獨遊快感，今次即興去咗轉梅窩半日遊。話明Chill Hea 遊，所以今次嘅行程食多過行，減肥人士睇完就算啦。梅窩雖然唔大，不過都有齊行山徑、古蹟、特色餐廳同must go 嘅銀礦灣沙灘，嚟hea半日都真心唔錯！ 今次嘅行程如下俾大家參考吓：去到梅窩碼頭，可以去隔離嘅熟食中心，食個海景lunch先。價錢大約HK$60-80左右。 食飽就開始行少少郊遊遊，一路向銀礦灣沙灘方向行，之後行上一段山俓，就會嚟到銀礦瀑布。今次個瀑布得好少水，所以只可以share瀑布前面個景俾大家。點擊圖片放大 離開瀑布繼續上山就會去到銀礦洞，個礦洞有成150年歷史！雖然而家已經封咗，不過嚟打個卡，欣賞吓梅窩嘅高處嘅獨有景色，都幾值得嚟。點擊圖片放大 下一站可以去有80幾年嘅袁氏大屋，佢係一座以前用嚟防止賊匪嘅花崗石建築，不過而家已經唔可以入去參觀，係出面影張相就當到此一遊啦😆 入到梅窩，當然要試吓全海景嘅麥記啦。 最後一站，可以去銀礦灣沙灘行前少少嘅東頭灣睇埋個日落先走人。如果想再Chill啲，你可以去超市買定零食先奔向夕陽😎。點解唔去銀礦灣沙灘？因為個沙灘封咗😞。 走人，可以搭返船出中環或者搭巴士去東涌轉車。更多分享 ➡️ @manwick
