住市區的朋友仔說，去元朗一定要食B仔涼粉， 其實元朗都有不少好味的甜品店！介紹一家近來文迪的新歡一滔滔甜品。 滔滔甜品在元朗十分人氣，全天候都有人在等位，堂食位置不多，如果介意坐室外就要等。 店舖小小但很香港情懷，十分適合拍照打卡！港式糖水以外，還有台灣代表芋圓，和潮州代表清心丸呢！ 壹元豆花($38) 作為煙韌控的文迪，一定選「壹元豆花」，配搭主要是QQ的配料，有豆花、芋圓、地瓜圓、紫薯西米、愛玉，食完真係超級飽肚。 豆花豆香幾濃，最欣賞芋圓同地瓜圓，味道幾天然又煙韌，珍珠都是十分Q彈，紫薯西米比較平凡，勝在顏色吸引。至於愛玉口感都唔錯，除咗偏甜之外都幾好食。 紫花園($39) 這款煙韌組合文迪同樣推介!豆花、芋圓、地瓜圓、黑糖水晶、紫米，主角是冰心紫薯雪糕，真是超級飽肚。 豆花份量幾多十分啱我口味，反而唔太覺有紫米，芋圓同地瓜圓繼續美味，味道幾天然煙韌，口味很像九份的芋圓。黑糖水晶同樣煙韌，同樣美味，而主角紫薯雪糕薯味奶味都幾濃，大大的一個雪糕球份量十足。 海帶綠豆沙($33) 傳統港式糖水幾足料，好香臭草味，綠豆煲到起沙，也不錯。 椰子糊($30) 之前試過已經覺得一般，今次都係一樣，椰香淡淡的，太清新不喜歡。 #元朗甜品#滔滔甜品 #文迪漫遊慢生活***滔滔甜品 元朗康樂路8號康樂廣場地下9號舖＊＊更多飲食、旅遊的博文，可加入我的專頁＊＊ Facebook Instagram U Blog
